ඒකාබද්ධ විපක්ෂය ශ්‍රි ලංකා නිදහස් පක්ෂය සමඟ එක් වීම සම්බන්ධයෙන් තමන් පුද්ගලිකව අකමැති වුවද එය තම කණ්ඩායම තුළ ප්‍රබල මතයක් නොවන බව පාර්ලිමේ...
ඒකාබද්ධ විපක්ෂය ශ්‍රි ලංකා නිදහස් පක්ෂය සමඟ එක් වීම සම්බන්ධයෙන් තමන් පුද්ගලිකව අකමැති වුවද එය තම කණ්ඩායම තුළ ප්‍රබල මතයක් නොවන බව පාර්ලිමේන්තු මන්ත්‍රි නාමල් රාජපක්ෂ මහතා පවසයි.
අධිකරණ කටයුත්තකින් අනතුරුව මාධ්‍ය වෙත අදහස් දක්වමින් මන්ත්‍රිවරයා මේ බව සඳහන් කළේය.
එහිදී ඒ මහතා මෙසේ අදහස් දැක්වීය.
“මම මේ ඒකාබද්ධ විපක්ෂයේ පාර්ලිමේන්තුවේ දෙවෙනි වතාවට පාර්ලිමේන්තුවට ආපු කෙනෙක්. මම පසු පෙළ මන්ත්‍රීවරයෙක්. එතකොට මේ ඒකාබද්ධ විපක්ෂයේ මහින්ද රාජපක්ෂ ජනාධිපතිතුමා අවුරුදු 50ක දේශපාලන ඉතිහාසයක් තියෙනවා, දිනේෂ් ගුණවර්ධන ඇමැතිතුමාත් ඒ වගේම දීර්ඝ දේශපාලන ඉතිහාසයක් තියෙනවා. කුමාර වෙල්ගම ඇමැතිතුමාටත් එහෙම දීර්ඝ ඉතිහාසයක් තියෙනවා. එවැනි නායකයොත් මේ නාමල් රාජපක්ෂ වගේ හම්බන්තොට දිස්ත්‍රික්කයෙන් පාර්ලිමේන්තුවට ආපු අවුරුදු 30ක් වන මන් කියන දේ අහයිද?, මම පෞද්ගලිකව විරුද්ධයි. ඒක මන් පිළිගන්නවා.”
“අපි ඉල්ලුවේ ඇමතිකම් ටික අත ඇරලා එන්න කියලා. ඇමතිකම් අතඇරගන්න බැරුව දැන් අපිට බනිනවා. එක්සත් ජාතික පක්ෂයේ ප්‍රතිපත්ති ආරක්ෂා කරගෙන, එක්සත් ජාතික පක්ෂයේ ප්‍රතිපත්ති ක්රියාත්මක කරන ගමන් අපිට කියනවා ශ්‍රී ලංකා නිදහස් පක්ෂේ කඩනවයි කියලා. අපිට ශ්‍රී ලංකා නිදහස් පක්ෂේ කඩන්න කිසි දවසක උවමනාවක් නැහැ. අපි කඩන්නේත් නැහැ. තමන්ගේ ශ්‍රී ලංකා නිදහස් පක්ෂ ආණ්ඩුවක් හදන්න ඕනේ නම් දයාසිරි මහත්තයා ඔතන බනින්න ඕනේ නාමල් රාජපක්ෂට නෙවෙයි රනිල් වික්‍රමසිංහ මහත්තයට. ආණ්ඩුවේ එක දීගයක් කන ගමන් තව දීගයක් කන්න හදනවා ප්‍රාදේශීය සභාවට. ඩබල් ගේම් වලට අපි කැමති නැහැ.”යැයිද වැඩිදුරටත් අදහස් දැක්වීය.
COMMENTS