බැඳුම්කර ගනුදෙනු සම්බන්ධයෙන් විමර්ශනය කරන ජනපති කොමිසමේ වැඩ කටයුතු අද(20) පෙරවරු 10.00ට ආරම්භ විය. එම කොමිසම හමුවේ ප්රකාශයක් ලබාදීමට අග්...
බැඳුම්කර ගනුදෙනු සම්බන්ධයෙන් විමර්ශනය කරන ජනපති කොමිසමේ වැඩ කටයුතු අද(20) පෙරවරු 10.00ට ආරම්භ විය.
එම කොමිසම හමුවේ ප්රකාශයක් ලබාදීමට අග්‍රාමාත්‍ය රනිල් වික්‍රමසිංහ මහතා අද පෙරවරුවේ එම කොමිසමට පැමිණියේය.
මේවන විට අගමැතිවරයාගෙන් එම කොමිසමේ නිලධාරින් විසින් ප්‍රශ්න කරමින් සිටින බව වාර්තා වේ.
අගමැතිගෙන් ඇසූ පළමු ප්‍රශ්නය
එම කොමිසමේ ආරංචි මාර්ග පැවසූවේ අගමැතිවරයාගෙන් ප්‍රථමයෙන්ම ප්‍රශ්න කර ඇත්තේ 2014 වර්ෂයේදී අර්ජුන ඇලෝසියස් මහතා පර්පචුවල් ට්‍රෙෂරීස් සමාගමේ අධ්‍යක්ෂවරයෙකු බව අගමැතිවරයා දැන සිටියාද යන්නයි.
දෙවනවර අගමැතිවරයාගෙන් ප්‍රශ්න කර ඇත්තේ පර්පචුවල් ට්‍රෙෂරීස් සමාගමෙන් අර්ජුන ඇලෝසියස් ඉවත් විය යුතු බවට ඇගමැතිවරයා හිටපු මහ බැංකු අධිපති අර්ජුන් මහේන්ද්‍රන් මහතාට දැන්වත් කළාද? යන්නයි.
කෙසේ වෙතත් තවදුරටත් එම කොමිසමේ ප්‍රශ්න කිරීම් සිදුවෙමින් පවතින බව වාර්තා වේ.
අගමැතිවරයා කැඳවිය යුතු බවට කොමිසමේ සභාපති ශ්‍රේෂ්ඨාධිකරණ විනිසුරු කේ. ටී. චිත්‍රසිරි මහතා විසින් පසුගිය 02 වැනිදා කොමිසම හමුවේ කළ විශේෂ ප්රකාශයක් අනුව අගමැතිවරයා අද කොමිසම හමුවේ සාක්‍ෂි දීමට කැඳවා ඇත.
COMMENTS