ඩෙංගු හා ඉන්ෆ්ලුවෙන්සා උණ පැතිර යාමේ ප්‍රවණතාවයක්

යාපනය දිස්ත්‍රික්කය පුරා ඩෙංගු හා ඉන්ෆ්ලුවෙන්සා උණ පැතිර යමින් පවතින බව යාපනය ශීක්ෂණ රෝහලේ වසංගත රෝග පිළිබද විශේෂඥ වෛද්‍ය එස්.අමාන්නදන් මහ...

යාපනය දිස්ත්‍රික්කය පුරා ඩෙංගු හා ඉන්ෆ්ලුවෙන්සා උණ පැතිර යමින් පවතින බව යාපනය ශීක්ෂණ රෝහලේ වසංගත රෝග පිළිබද විශේෂඥ වෛද්‍ය එස්.අමාන්නදන් මහතා අද (23) පැවසීය.

වර්ෂාව පහව යාමත් සමගම යාපනයේ විවිධ උණවර්ග පැතිර යමින් පැවතීම නිසා දිනකට රෝගීන් 1000ත් 1200 ත් අතර ප්‍රමාණයක් ප්‍රතිකාර ගැනීමට රෝහල වෙත පැමිණෙන බව කී වෛද්‍යවරයා මේ දිනවල යාපනය රෝහලේ නේවාසික රෝගීන්ගේ සංඛ්‍යාවද ඉහල ගොස් ඇතැයි කියා සිටියේය.

මේ සතියේ 20 දා සිට 22 දක්වා කාලය ඇතුලත ඩෙංගු රෝගීන් 143 ක් ද, ඉන්ෆ්ලුවෙන්සා රෝගීන් 72 ක්ද රෝහලට ඇතුළත් කොට ඇති බව කී වෛද්‍යවරයා මීට අමතරව යාපනයේ ප්‍රාදේශීය රෝහල්වල තවත් රෝගීන් විශාල සංඛ්‍යාවක් සිටින බවශ කියා සිටියේය.

වර්ෂා කාලයෙන් පසුව යාපනයේ ඩෙංගු හා ඉන්ෆ්ලුවෙන්සා රෝගය පැතිය යාම බලාපොරොත්තු විය හැකි තත්ත්වයක් නමුත් මෙවර රෝගීන් සංඛ්‍යාව ඉහල යාම රෝහල් කාර්ය මණ්ඩලයට විශාල ගැටළුවක් වී ඇති බවද කියා සිටියේය.

(දිනසේන රතුගමගේ)