නමුත් දැනට රටේ පවතින ඉන්ධන අර්බුදයක් හේතුවෙන් දිවයින පුරා විසිරී සිටින වෛද්‍ය උපාධිධාරීන්ට කොළඹට පැමිණීම අපහසු බව දන්වා ඇත. එය සැළකිල්ලට ...
නමුත් දැනට රටේ පවතින ඉන්ධන අර්බුදයක් හේතුවෙන් දිවයින පුරා විසිරී සිටින වෛද්‍ය උපාධිධාරීන්ට කොළඹට පැමිණීම අපහසු බව දන්වා ඇත. එය සැළකිල්ලට ගනිමින් අයදුම්පත් කැදවීම, මනාප ලකුණු කිරීම අන්තර්ජාලය ඔස්සේ සිදු කිරීමට සෞඛ්‍ය අමාත්‍යාංශය තීරණය කර තිබේ.
සෞඛ්‍ය අමාත්‍යාංශයේ නිල වෙබි අඩවිය වන www.health.gov.lk ඔස්සේ සීමාවාසික පත්වීම් සදහා අයදුම් කිරීමට සහ මනාප ලකුණු කිරීමට පහසුකම් සළසා ඇත. එසේ අයදුම් නොකරන වෛද්‍ය උපාධිධාරීන්ට ආයතන සංග්‍රහයේ කොන්දේසි ප්‍රකාරව ඡ්‍යෙෂ්ඨත්වය අහිමි වනු ඇත. එය රැකියාව සිදු කරනු ලබන සමස්ත කාලසීමාවටම බලපානු ඇත. එම නිසා දේශීය හා විදේශීය වෛද්‍ය උපාධිය ලබා ශ්‍රී ලංකා වෛද්‍ය සභාවේ තාවකාලික ලියාපදිංචිය ලද සියලු උපාධිධාරීන් මේ සදහා අයදුම් කරන ලෙස සෞඛ්‍ය සේවා අධ්‍යක්ෂ ජනරාල් වෛද්‍ය ජයසුන්දර බණ්ඩාර මහතා දන්වා සිටියි.
වැඩිදුර තොරතුරු සෞඛ්‍ය සේවා අධ්‍යක්ෂ ජනරාල් වෛද්‍ය ජයසුන්දර බණ්ඩාර මහතා (071 4398201) හරහා ලබාගත හැකිය.
COMMENTS