ඉදිරි ජන්දයේදී පක්ෂ පාට නොබලා රට වෙනුවෙන් වැඩ කළ හැකි පුද්ගලයින් බලයට පත් කිරීමට කටයුතු කළ යුතු බව හිටපු ජනාධිපතිනි චන්ද්‍රිකා කුමාරතුංග ම...
ඉදිරි ජන්දයේදී පක්ෂ පාට නොබලා රට වෙනුවෙන් වැඩ කළ හැකි පුද්ගලයින් බලයට පත් කිරීමට කටයුතු කළ යුතු බව හිටපු ජනාධිපතිනි චන්ද්‍රිකා කුමාරතුංග මහත්මිය පවසයි.
ඇය මේ බව පැවසුවේ වේයන්ගොඩ ප්‍රදේශයේ පැවති ජන හමුවක් අමතමිනි.
එහිදී ඒ මහත්මිය මෙසේ අදහස් දැක්වීය.
“රට කරන අයට දර්ශනයක් තියෙන්න ඕනේ. රට ඉදිරියට ගෙන යාමට. දර්ශනය මම හැදෙන්න නෙවෙයි. මගේ සාක්කුව සහ මගේ සහෝදර සහෝදරයන්ගේ සාක්කු පුරවන්නත් නෙවෙයි. අපේ දර්ශනය වෙන්න ඕනේ රට ඉදිරියට ගෙන යන වැඩපිළිවෙළ කුමක්ද කියලා. එතකොට ඒ දර්ශනය ක්රියාත්මක කරන්න අපිට පැහැදිලි ක්‍රියාදාමයක් ඕනේ. අද තියෙන සමාජ, දේශපාලන, ආර්ථික අභියෝගයන් තුළ මේක ක්රියාත්මක කරන්න.”
“කොන්ද පණ ඇති, පැහැදිලි ජනතාවගේ අභිවෘද්ධිය ගැන තකන නායකයෝ අපට අවශ්‍යයි. එක්කෙනෙක් නෙවෙයි ඔක්කොම නායකයෝ ටික. උඩ ඉදන් පල්ලෙහාටම. කැබිනට් මණ්ඩලය, පළාත් සභාව, ප්‍රදේශිය සභාව. මන් ඒක කියලා නවත්තනවා. ඒක ඉන්නවද නැද්ද කියලා තමුන්නාන්සේලාගෙන් තීරණය කරන්න ජන්දේ වෙලාවට. මාත් එක්ක තරහා වෙයි. ඒත් කරන්න දෙයක් නැහැ. ඒත් කියන්න ඕනේ. මමවත් කිව්වේ නැත්තම් වෙන මොකෙක්වත් කියන්නේ නැහැ. පක්ෂෙවත් වෙන මොකක්වත් නෙවෙයි රට වෙනුවෙන් වැඩ කරන ඕනෙම කෙනෙක්ට තමුන්නාන්සේලා සහයෝගය දෙන්න. හරියට වැඩ කරන්න පුළුවන් අය ශක්තිමත් කරගෙන අපි ඉදිරියට යන්න ඕනේ තවත් අලුත් කට්ටිය එකතු කරගෙන.” එහිදී ඒ මහත්මිය මෙසේද වැඩිදුරටත් අදහස් දැක්වීය.
COMMENTS