විෂය භාර නියෝජ්‍ය ඇමතිනී අනෝමා ගමගේ ප්‍රකාශ කරන්නේ පෙට්‍රල් හිඟයක් මතුව ඇති බවට පැතිර යන ආරංචි මුළුමනින් ම අසත්‍ය බවය. එසේම ඉන්ධන රැගත...
විෂය භාර නියෝජ්‍ය ඇමතිනී අනෝමා ගමගේ ප්‍රකාශ කරන්නේ පෙට්‍රල් හිඟයක් මතුව ඇති බවට පැතිර යන ආරංචි මුළුමනින් ම අසත්‍ය බවය. එසේම ඉන්ධන රැගත් නෞකාවක් සඳුදා ශ්‍රී ලංකාවට පැමිණීමට නියමිත බව ද ඇය වැඩිදුරටත් ප්‍රකාශ කළාය.
කෙසේවෙතත් ඉන්ධන හිඟයක් පවතින බවට පැතිර ගිය ආරංචි හේතුවෙන් ඊයේ සවස ඉන්ධන පිරවුම්හල් අසල දැඩි පෝලිම් දක්නට හැකිවිය. කොළඹ අවට මෙන්ම පිට පළාත්වල ද ඇතැම් පිරවුම්හල් ඉන්ධන අවසන් වීම හේතුවෙන් වසා දමා ඇති බව ද වාර්තා විය.
ඉන්දීය තෙල් සමාගම විසින් ප්‍රමිතියෙන් තොර ඉන්ධන තොගයක් ශ්‍රී ලංකාවට ගෙන ඒම හේතුවෙන් මෙම තෙල් හිඟය මතුව ඇති බව ඛනිජ තෙල් වෘත්තීය සමිති එකමුතුව සඳහන් කරයි.
- රංජිත් නිශාන්ත
COMMENTS