අධ්‍යාපන අමාත්‍යාංශයේ ප‍්‍රමාදයෙන් ගුරුවරු ලක්ෂයකට උසස්වීම් නෑ

නිකුත් කළ නව ගුරුසේවා ව්‍යවස්ථාවේ 15 වන වගන්තියට අනුව එම සේවා ව්‍යවස්ථාව නිකුත් කළ දින සිට වසර 3 ක කාලයකට ගුරු උසස්වීම් සඳහා වෘත්තීය සමාල...

නිකුත් කළ නව ගුරුසේවා ව්‍යවස්ථාවේ 15 වන වගන්තියට අනුව එම සේවා ව්‍යවස්ථාව නිකුත් කළ දින සිට වසර 3 ක කාලයකට ගුරු උසස්වීම් සඳහා වෘත්තීය සමාලෝචනයෙන් සහ කාර්යක්ෂමතා කඩඉම් අන්තර්කාලීන විධිවිධාන යටතේ නිදහස් කොට ඇත. ඒ අනුව 2017.10.23 දිනෙන් පසු ගුරු උසස්වීම් සඳහා වෘත්තීය සමාලෝචනය සහ කාර්යක්ෂමතා කඩඉම්වලින් ගුරුවරු සමත්විය යුතුය.

සේවා ව්‍යවස්ථාවට අනුව උසස්වීම් ලබාගැනීමේදී කාර්යක්ෂමතා කඩඉම් වෙනුවෙන් මොඩියලූ 20 ක් සම්පූර්ණ කළ යුතුය. වසර 3 ක් ගත වී තිබියදීත් අධ්‍යාපන අමාත්‍යාංශයේ ප‍්‍රමාදය මත මේ වන විට එම මොඩියුල මුද්‍රණය කර ක්‍රියාත්මක කිරීමට අදාළ අවසන් වැඩපිළිවෙලක් ක්‍රියාත්මක කර නැත. එසේම මොඩියුල විස්සම සම්පූර්ණයෙන් සකස්කොට මුද්‍රණය කර නැත. මේ නිසා 2017.10.23 දිනෙන් පසු ගුරු උසස්වීම් නතර වන තත්වයක් උදා වී ඇත.

අධ්‍යාපන අමාත්‍යාංශය වසර 3 කට ආසන්න කාලයක් ගුරු උසස්වීම්වලට අදාළ වැඩපිළිවෙලක් සකස් නොකිරීම තුළ සේවා ව්‍යවස්ථාවේ අන්තර්කාලීන විධිවිධාන කාලය දීර්ඝ කරන ලෙස ලංකා ගුරු සංගමය අධ්‍යාපන අමාත්‍යාංශයෙන් ඉල්ලීමක් කොට ඇත. එසේම වසර 3 කට ආසන්න කාලයක් ඒ සම්බන්ධ වැඩපිළිවෙලක් සම්පූර්ණ නොකිරීම පිළිබඳව සොයා බලා එම කටයුත්ත කඩිනම් කිරීමට අදාළ වැඩපිළිවෙලක් යොදන ලෙස ඉල්ලා සිටී.
ලංකා ගුරු සංගමය