පසුගිය මැයි මාසයේ රටටම බලපෑ ගංවතුර තත්වයෙන් බොහෝ දෙනෙකුට තම උන්හිටි ස්ථාන අහිමි වුණා. මෙම ආපදා තත්වය හේතුවෙන් කිහිප දෙනෙකුට තම ජීවිතද අහිම...
පසුගිය මැයි මාසයේ රටටම බලපෑ ගංවතුර තත්වයෙන් බොහෝ දෙනෙකුට තම උන්හිටි ස්ථාන අහිමි වුණා. මෙම ආපදා තත්වය හේතුවෙන් කිහිප දෙනෙකුට තම ජීවිතද අහිමි වුණා. මේ අතර මෙම ආපදා තත්වයත් සමග කලු ගඟේ රුදුරු බවට හසුව පියකුගේ රැකවරණයද අහිමි වූ දියණියකගේද, ස්වාමි පුරුෂයකුගේ රැකවරණයද අහිමි වූ බිරිඳකගේද ජීවිත උඩු යටිකුරු කර දැමුවේ ඔවුනට ඇඳිවත පමණක්ම ඉතිරි කරමින්. ඒ ගංවතුරට හසුව එතෙක් කල් ඔවුන් විසු කුඩා නිවස ජල රකුසා රැගෙන ගියේ දෙව්මිනි දිනේත්‍රා දියණියගේ සහ මවගේ අහිංසක හීනද ගංවතුරටම යට කරමින්ය
මාස දෙකයි 2 දින 15ක කාලයකින් ඉදිවූ නව නිවෙස පුංචි දෙව්මිණී සතු වෙයි..!
ගංවතුරේ ගසාගෙන ගිය පුංචි දෙව්මිනී සහ අම්මාගේ ජීවිතවලට නව එළියක් ලබා දෙමින් බලාපොරොත්තු වූ කාලයටත් වඩා ඉක්මනින්ම සියලු පහසුකම් වලින් පරිපූර්ණ වූ නව නිවෙස ඉදිවූ අතර එය පුංචි දෙව්මිනීට ලබා දීම කැටේපොල ශ්‍රී අභිනවාරාමාධීපති හිම්මන්තුඩාවේ සිරි රතන ස්වාමින්වහන්සේගේ සෙත් පිරිත් සජ්ඣායනා මධ්‍යයේ අද දින (ඔක්තෝම්බර් මස 06 වන දින) උදෑසන 10.06ට යෙදුන සුභ නැකතින් දහම් සිරිසේන මහතාගේ ප්‍රධානත්වයෙන් විවෘත කරන ලදී.
මෙම සතුටුදායක අවස්ථාව සඳහා පැමිණ සිටි කැටේපොල විද්‍යාලයේ විදුහල්පතිතුමා ඇතුලු ගම්වාසීන් දහම් සිරිසේන මහතාගේ මෙම ක්‍රියාව ඉතා ප්‍රංශසාත්මකව අගය කල අතර, ඔවුන්ගේ තවත් ඉල්ලීමක් වූයේ කැටේපොල ගමට එන මාර්ගයද පිළිසකර කරදෙන ලෙසය. එහිදී ඒ පිළිබඳවද සිය අවධානය යොමු කරන බව දහම් සිරිසේන මහතා කියා සිටියේය.
COMMENTS