2008 වසරේ ශ්‍රී ලංකා කණ්ඩායම පකිස්තානයේ තරග සංචාරයක නිරතව සිටියදී ත්‍රස්ත ප්‍රහාරයක් එල්ල වූ අතර ඉන් පසු විදෙස් කණ්ඩායම් පකිස්තානයේ සංචාර...
2008 වසරේ ශ්‍රී ලංකා කණ්ඩායම පකිස්තානයේ තරග සංචාරයක නිරතව සිටියදී ත්‍රස්ත ප්‍රහාරයක් එල්ල වූ අතර ඉන් පසු විදෙස් කණ්ඩායම් පකිස්තානයේ සංචාරය කිරීම ප්‍රතික්ෂේප කළේය. කෙසේ වෙතත් පසුගියදා ලෝක කණ්ඩායමක් පකිස්තානයේ තරග සංචාරයකට එක්වෙමින් 20/20 තරග 03 ක් ක්‍රීඩා කළ අතර මේ නිසා ආරක්ෂ තත්වය යහපත් බව පසක් කිරීමට පකිස්තානය සමත්ව තිබේ.
කෙසේ වෙතත් මීට පෙර වාර්තා වූයේ ශ්‍රී ලංකා ක්‍රීඩකයන් තෙවැනි එක්දින තරගයට සහභාගිවීමට පකිස්තානය වෙත යාමට අකමැති බවයි. නජාම් සේති මහතා වැඩිදුරටත් ප්‍රකාශ කරන්නේ ශ්‍රී ලංකා ක්‍රිකට් ආයතනය, සිය ක්‍රීඩකයන් ලාහෝර් වෙත එවීමට නිළ වශයෙන් එකඟ වී ඇති බවයි.
පකිස්තාන් - ශ්‍රී ලංකා ටෙස්ට් තරගාවලිය එක්සත් ආරබි එමීර් රාජ්‍යයේදී අවසන් වූ අතර මේ වනවිට එක්දින තරගාවලිය පැවැත්වෙමින් තිබේ.
උපාලි සපරමාදු
COMMENTS