රාජපක්ෂ පවුලේ මුදල් ගනුදෙනු පිළිබඳ රහස් තොරතුරු ආණ්ඩුවට ලබා දෙන බව කියමින් ආණ්ඩුව නොමඟ යවා සජින් වාස් ගුණවර්ධන තමන්ට එරෙහි නීතිමය කටයුතු ය...
රාජපක්ෂ පවුලේ මුදල් ගනුදෙනු පිළිබඳ රහස් තොරතුරු ආණ්ඩුවට ලබා දෙන බව කියමින් ආණ්ඩුව නොමඟ යවා සජින් වාස් ගුණවර්ධන තමන්ට එරෙහි නීතිමය කටයුතු යටපත් කරගෙන සිටින බව වාර්තා වේ.
ජනාධිපති ලේකම් කාර්යාලයට අයත් වාහන අවභාවිතා කිරීම පිළිබඳව සජින් වාස්ට එරෙහිව තිබුණු චෝදනා සම්බන්ධයෙන් සියළුම පරීක්ෂණ කටයුතු අවසන් කර අපරාධ පරීක්ෂණ දෙපාර්තමේන්තුව නීතිපති දෙපාර්තමේන්තුව වෙත ලිපිගොනු යවා ඇත්තේ 2015 මැයි මාසයේදීය. එහෙත් කෙටි කලකට රක්ෂිත බන්ධනාගාර ගතව සිටින්නට සිදුවීම හැර සජින් වාස්ට මේ වන තෙක් නීතියෙන් දඬුවම් හිමිවන ලකුණක්වත් පෙනෙන්නට නැත.
සජින් වාස් සම්බන්ධ මෙම ලිපිගොනු පවතින්නේ නීතිපති දෙපාර්තමේන්තුවේ නියෝජ්‍ය සොලිසිටර් ජනරාල්වරයකු වන තුසිත් මුදලිගේ මහතා සතුවය. ඔහු ඉතා දක්ෂ නිලධාරියකු බව ද පැවසිය යුතුය. එහෙත් සිදු වි ඇත්තේ ඔහුගේ දෑත බැඳ මුහුදට දමා පිහිනීමට කීවා වැනි වැඩකි. ආණ්ඩුවේ පාර්ශ්වයෙන් එන තදබල බලපෑම් හමුවේ තුසිත් මුදලිගේට ක්රියාත්මක වීමට නොහැකි වී තිබේ.
හිටපු ජනාධිපති මහින්ද රාජපක්ෂගේ රහස්‍ය මූල්‍ය උපදේශක ලෙස තමන්ට ම නමක් පටබැඳගත් සජින් වාස් ගුණවර්ධන යනු වචනයේ පරිසමාප්ති අර්ථයෙන් ම 'ගේම් කාරයෙකි'. මහින්ද රාජපක්ෂට සජින් වාස් ව මුලින්ම හමුවූයේ ඩුබායි රාජ්‍යයේදීය. ඒ, මහින්ද රාජපක්ෂ විපක්ෂ නායකයා වශයෙන් කටයුතු කළ යුගයේදීය. මහින්ද රාජපක්ෂය ඩුබායිහි රාත්‍රී සමාජශාලා 'සැප' පෙන්වීම සඳහා මහින්දව සජින් සමඟ යැව්වේ ශ්‍රී ලංකාවේ ප්‍රකට ව්‍යාපාරිකයකු වන රවී විජේරත්න විසිනි. සජින් එවකට සේවය කළේ රවී විජේරත්නටය. කෙසේ නමුත් එදා ලැබුණු 'සැප' කෙතරම් ද යත් ඒ ගනුදෙනුව අවසන් වූයේ මහින්ද විසින් සජින් වාස්ව තමන්ගේ සේවය සඳහා ලංකාවට ගෙන්වා ගැනීමෙනි. එසේ පැමිණි සජින් වාස් කළේ එවකට විපක්ෂ නායක කාර්යාලයේ සිටි සියළුම ඉහළ නිලධාරීන් සඳහා සුපිරි සාදයක් පැවැත්වීමය. මත්පැන් අවශ්‍ය අයට මත්පැන් ද ස්ත්‍රීන් අවශ්‍ය අයට ස්ත්‍රීන් ද වශයෙන් සියල්ල සැපයූ සජින් රහසින් ඒ සියල්ල වීඩියෝ පටිගත කර මහින්ද රාජපක්ෂට පෙන්වා ඒ සියළු නිලධාරීන් තනතුරු වලින් එළවා දැමීය. එතැන් පටන් තමන්ට රිසි පරිදි මහින්දව නැටවූ සජින් මහින්දගේ පාලන සමයේ ඉහළින් ම වැජඹුන අතර අනෙත් අතින් ශිරන්ති රාජපක්ෂට පෙනෙන්නට බැරි තත්වයට පත් වී සිටියේය. ශිරන්ති ඇතුළු රාජපක්ෂ පවුලේ සාමාජිකයින් ඔහුව අපහාසාත්මක ලෙස හැඳින්වූයේ ගමන් මළු රැගෙන යන 'බැගේජ් බෝයි' ලෙසිනි. එහෙත් බැගේජ් බෝයි ඉහළම කෝටිපතියෙකු වූයේත් අදටත් යහතින් සිටින්නේත් ඔහු ඉතා සැලසුම් සහගත කූට උපක්‍රම අනුගමනය කරන්නෙක් නිසාය.
රාජපක්ෂ පවුලට අයත් කලු සල්ලි පිළිබඳව පසුගිය යුගය පුරාවට ම නොයෙක් පුවත් වාර්තා විය. සජින් වාස් ඒ පිළිබඳව රහස් තොරතුරු ආණ්ඩුවට හෙළිදරව් කරන බවට පොරොන්දු දී ආණ්ඩුව රවටා ගෙන සිටී. සජින් වාස් යනු රාජපක්ෂ පවුලේ හිටපු සමීපතමයකු නිසා සහ ඔහුම කියන පරිදි 'රහස්‍ය මූල්‍ය උපදේශක' නිසා ඔහුගේ පොරොන්දුව මත බලාපොරොත්තු තබමින් ආණ්ඩුව නීතිපති දෙපාර්තමේන්තුවට ක්රියාත්මක වීමට ඉඩ ලබා දෙන්නේ නැත. එහෙත් සජින් වාස්ගෙන් ලැබෙනා තොරතුරක් ද නැත.
දැනට සිදුවෙමින් පවතින්නේ එළුවාගේ අහවල් එක වැටෙනා තුරු බලා ඉන්නවා මෙන් ආණ්ඩුව සජින් වාස් තොරතුරු හෙළිකරන තුරු බලා හිදීමය. සජින් වාස් කරන්නේ බොරු කිය කියා කල් මැරීමත් තැන තැන පම්පෝරි ගැසීමත්ය.
COMMENTS