ඊයේ පස්වරුවේ කොළඹ ජනාධිපති නිල නිවසේ පැවති පුවත්පත් මාධ්‍යවේදීන් හමුවූ අවස්ථාවේදී ජනාධිපතිවරයා මේ බව ප්‍රකාශ කර තිබේ. බැඳුම්කර කොමිස...
ඊයේ පස්වරුවේ කොළඹ ජනාධිපති නිල නිවසේ පැවති පුවත්පත් මාධ්‍යවේදීන් හමුවූ අවස්ථාවේදී ජනාධිපතිවරයා මේ බව ප්‍රකාශ කර තිබේ.
බැඳුම්කර කොමිසම හොඳින් වැඩ කටයුතු කිරීම නිසා කොමිෂන් සභා ගැන ජනතාව තුල තිබූ සැකය හා අවිශ්වාසය නැති කර දමා ඇතැයි පවසන ජනාධිපතිවරයා කියා සිටින්නේ ඉදිරියටත් එම කොමිසමේ කටයුතු සාර්ථකව සිදු කෙරෙනු ඇති බවයි. සෙසු කොමිෂන් සභා වලින් බැඳුම්කර කොමිසම වෙනස් වන්නේ එහි ක්‍රියා පටිපාටිය නිසා බව ජනාධිපති මෛත්‍රීපාල සිරිසේන මහතා පෙන්වා දෙයි. පක්ෂ භේදයකින් තොරව වංචා දුෂණ කර ඇති අය පිළිබඳව ඒ ඒ ආයතනයන්හි වගකීම් අදරනපුද්ගලයන් විසින් නිතිය ක්රියාත්මක කළ යුතු බවද ජනාධිපතිවරයා පවසයි. එමෙන්ම එම නීතිය ක්රියාත්මක වීම මඟ නතර නොවී පියවරෙන් පියවර ඉදිරියට ගෙන ය යුතු බවද හෙතෙම පෙන්වා දෙයි. ඕනෑම දේශපාලකයෙක් තමන් නිවැරදිද නැද්ද යන්න පිළිබඳව තම හෘද සාක්ෂියෙන් විමසිය යුතු අතර අධිකරණය පැවතියද ජනාතාව බලා හිඳින්නේ දේශපාලකයන්ගේ ක්‍රියාකලාපය දෙස බවද මෛත්‍රීපාල සිරිසේන මහතා සඳහන් කරයි.
සයිටම් ප්‍රශ්නය පිළිබඳ අදහස් දක්වමින් ජනාධිපතිවරයා ප්‍රකාශ කරන්නේ අවසන් විසඳුමක් ලබා ගැනීම සඳහා විශ්ව විද්‍යාලයන්හි උපකුලපතිවරු,වෛද්‍ය පීඨ පීඨාධිපතිවරු,උසස් අධ්‍යාපන අමාත්‍යාංශයේ නිලධාරීන් හා රජයේ වෛද්‍ය නිලධාරීන්ගේ සංගමය ඇතුළු පිරිස සමඟ සාකච්ජා කෙරෙන බවයි.
යහපාලන ආණ්ඩුව සෑදීමට එක්සත් ජාතික පක්ෂයේ මෙන්ම ශ්‍රී ලංකා නිදහස් පක්ෂයේත් අනුමැතිය හිමි වූ අතර එහෙත් දැන් එය විවේචනය කරන්නේ ඇයිද යන්න පිළිබඳ ජනාධිපතිවරයා වැඩිදුරටත් සඳහන් කරයි.
ආශිකා බ්‍රාහ්මණ
COMMENTS