අතීතයේ කර්ණාටක ප්රාන්තය සැලකුණේ මහා වීරයන් සහ දෙවිවරුන්ගේ උත්පත්ති භූමියක් ලෙස ය. නමුත් මේ වන විට කර්ණාටක මහ ඇමති සිද්දරාමයියා ගේ ප්රා...
අතීතයේ කර්ණාටක ප්රාන්තය සැලකුණේ මහා වීරයන් සහ දෙවිවරුන්ගේ උත්පත්ති භූමියක් ලෙස ය. නමුත් මේ වන විට කර්ණාටක මහ ඇමති සිද්දරාමයියා ගේ ප්රාන්ත ආණ්ඩුව මෙම උත්සවය සඳහා මූලික නීති මාලාවක් පනවා තිබෙන්නේ ප්රාන්ත වැසියන්ගේ මූලික අයිතිවාසිකම් පවා අහිමි වන පරිදි ය.
ගනේෂ් චතුර්ති උත්සවය වෙනුවෙන් මහඇමති සිද්දරාමයියා විසින් පනවා ඇති නීති මාලාව මෙසේ ය.
ප්රාන්තයේ හින්දු සංවිධාන මෙම උත්සවය පැවැත්වීමට හෝ සංවිධානය කිරීමට අදහස් කරන්නේ නම් මෙවර ඒ සඳහා ඉන්දීය රුපියල් ලක්ෂ 10 ක බැඳුම්කරයක් ගෙවිය යුතුය!
ගනේෂ දෙවියන්ගේ ප්රතිමාවේ උස තීරණය කරන්නේ ප්රාන්ත ආණ්ඩුවේ කොංග්රස් සභාවයි. ගණ දෙවි ප්රතිමාවේ සිරුරේ පැහැය ද ඔවුන් විසින් තීරණය කරනු ඇත!-
ප්රාන්ත ආණ්ඩුව විසින් තීරණය කරන දින ගණන ඉක්මවා උත්සවය පැවැත්වීම තහනම් ය.! -
වෙනත් ආගමික සිද්ධස්ථාන පිහිටා ඇති වීදි දිගේ ගණ දෙවියන් වීදි සංචාරය කරවීම තහනම් ය.! -
රතිඤ්ඤා භාවිතය තහනම් ය. වර්ණවත් කුඩු ඉසීම ද තහනම් ය.! -
එක් ගනේෂ් චතුර්ති වන්දනා පෙරහැරක් සඳහා සහභාගි වන බැතිමතුන් ගණන ලක්ෂ 10කට අඩු විය යුතුය.!
මහඇමති සිද්දරාමයියා 2016 වසරේදී කර්ණාටක ප්රාන්තයේ නවරාත්රී උත්සවය හෙවත් මයිසූර් දසරා පැවැත්වීම නතර කළේ විපත්තිදායක අවස්ථාවක් වන හෙයින් සහ තමන්ට එම රාජ්ය උත්සවය පැවැත්වීම සඳහා අරමුදල් නැති බව කියමිනි. නමුත් ඒ වසරේම ඔහු තිප්පු සුල්තාන්වරයාගේ උපන්දිනය හෙවත් ‘තිපූ ජයන්තිය’ රාජකීය ලීලාවෙන් සමරන්නට කටයුතු කළේය. මයිසූර් හි පැවති මෙම උත්සවයේදී හටගත් අන්තර් ආගමික ගැටුම්වලදී හින්දු භක්තියකයන් කිහිප දෙනෙක් මරණයට ද පත්විය.
සිද්දරාමයියා කර්ණාටක ප්රාන්තයේ 2013 වසරේ පටන් මහඇමති වරයා ය. ඊට කලින් එම ප්රාන්තයේම නියෝජ්ය මහඇමතිවරයා ය. කුලය මහ ඉහළින් සලකන ඔහුල දැන් හින්දු ජනතාවගේ සංස්කෘතික සහ ආගමික අයිතීන්ට අභියෝග කරමින් සිටියි. සිද්දරාමයියාගේ අලුත්ම ගනේෂ් චතුර්ති නීති මාලාව බොහෝ ඉන්දීය දේශපාලන විචාරකයන් විසින් මේ වන විට හඳුන්වා දෙමින් සිටින්නේ “තලෙයිබාන් ක්රමයට ගණ දෙවියන් සැමරීම” යනුවෙනි.
- අමාලි ජයවීර
COMMENTS