මේ සඳහා හිටපු ඇමැති බැසිල් රාජපක්ෂ ද එක්වීමට නියමිත බවත්, ඒකාබද්ධ විපක්ෂයේ ශ්‍රී ලංකා නිදහස් පක්ෂ පාර්ලිමේන්තු මන්ත්‍රීවරුන් පිරිසක් මේ ර...
මේ සඳහා හිටපු ඇමැති බැසිල් රාජපක්ෂ ද එක්වීමට නියමිත බවත්, ඒකාබද්ධ විපක්ෂයේ ශ්‍රී ලංකා නිදහස් පක්ෂ පාර්ලිමේන්තු මන්ත්‍රීවරුන් පිරිසක් මේ රැස්වීම්වලට සහභාගි වීමට නියමිත බවත් ඒකාබද්ධ විපක්ෂය පවසයි. ඒකාබද්ධ විපක්ෂය ශ්‍රී ලංකා පොදුජන පෙරමුණ යටතේ පොහොට්ටුව ලකුණින් ඉදිරි මැතිවරණ සඳහා තරග කිරීමේ සූදානමක් පවතින බව මීට පෙර බැසිල් රාජපක්ෂ හිටපු ඇමැතිවරයා ද සඳහන් කර තිබිණි.
මේ අතර නිදහස් කලා සන්ධානය නියෝජනය කරන කලාකරුවන් පිරිසක් ද මේ රැස්වීම් සඳහා සහභාගි වීමට නියමිත බව එම සන්ධානයේ ප්‍රකාශකයෙක් පැවසීය. මේ වන විට 400 කට අධික පිරිසක් තම සන්ධානයේ සාමාජිකත්වය ලබාගෙන සිටින බවත්, තවත්700 කට අධික පිරිසක් සාමාජිකත්වය ගැනීම සඳහා අයදුම්පත් ඉදිරිපත් කර ඇති බවත් අදාළ ප්‍රකාශකයා වැඩිදුරටත් සඳහන් කළේය.
මේ වන විට අදාළ සාමාජිකයන් බඳවා ගැනීමේ වැඩසටහන වෙනුවෙන් පෝස්ටර් සහ කටවුට් ප්‍රචාරක ව්‍යාපාර ආරම්භ කර තිබේ. කෙසේ වෙතත් හිටපු ජනාධිපතිවරයා ශ්‍රී ලංකා නිදහස් පක්ෂය දෙකඩ කිරීමට කටයුතු කරන්නේ නැති බව පවසමින් මෙසේ පොදුජන පෙරමුණට සාමාජිකයන් බඳවාගැනීමේ වැඩසටහන්වලට සහභාගි වීම දේශපාලන වශයෙන් බොරු කිරීමක් බව ශ්‍රී ලංකා නිදහස් පක්ෂයේ ජ්‍යෙෂ්ඨයෝ පවසති.
ශ්‍රී ලංකා නිදහස් පක්ෂයේ සභාපති ලෙස කටයුතු කරන ජනාධිපති මෛත්‍රීපාල සිරිසේන විවේචනය කරමින් හිටපු ජනාධිපති මහින්ද රාජපක්ෂ දිගටම පවසා තිබුණේ තමන් කිසිවිටෙක වත් ශ්‍රී ලංකා නිදහස් පක්ෂය දෙකඩ වන්නට ඉඩ නොතබන බවයි.
ජනිත ප්‍රසාද් සේනානායක
COMMENTS