Hot!

ශෝකාලාපයක්! - මල්ලිකා එම්. බණ්ඩාර

ශෝකාලාපයක්! - මල්ලිකා එම්. බණ්ඩාර

පෙමත් අහිමි ඇයත් අහිමි
නුඹ වැළපෙන හැටි බලාන​
මටත් එරෙහි නුඹ වෙනුවෙන්
කෙලෙස හිඳිමි දුක බෙදාන​

දසක ගණන් ඉතිහාසේ
වැළලුණ නුඹෙ පෙම් පුරාණ​
පඳුරු ලලා දළු ලියලා
ඇවිත් මතක පිරිවරාන
නැකතට සුළඟිලි පැටලූ
රන්හූ වරපට ලිහාන​
පතිදම පළුදුව ගියාද​
ඇගෙ දෙණ ළඟ​ හිමිසඳාණ​?

අහිමිව සිහසුන උරුමය​
ගිළිහුණ අබිමන් කිරුළු
ගිනි බත් වුණ රජදහනක
රකිමි කුමට දැළි සුඹුලූ ?

පිළුණු පෙමක නටබුන් මත​
ඉදිකළ දෙවොලේ නොරඳා
පුද පෙත් තේවා කුමටද​?
දෙවියන් පිටමං වුණදා

0 comments:

Post a Comment