කම්කරු දින සැමරුමට සහභාගීවීමෙන් අනතුරුව එම පිරිස මෙම තීරණය ගෙන ඇති බවත් ඔවුන් මෙන්ම ඒකාබද්ධ විපක්ෂයේ ප්‍රධානීන්ගේ පවුල්වල සාමාජිකයන් ද ශ්...
කම්කරු දින සැමරුමට සහභාගීවීමෙන් අනතුරුව එම පිරිස මෙම තීරණය ගෙන ඇති බවත් ඔවුන් මෙන්ම ඒකාබද්ධ විපක්ෂයේ ප්‍රධානීන්ගේ පවුල්වල සාමාජිකයන් ද ශ්‍රී ලංකා නිදහස් පක්ෂයට එක්වන බවට තොරුතුරු ලැබුණු බව මහනුවර පැවැති උත්සවයකින් අනතුරුව මාධ්‍ය හමුවේ අමාත්‍යවරයා මේ බව කීවේය.
හිටපු අමාත්‍ය ජී.එල්.පීරිස් මහතාගේ සභාපතීත්වයෙන් යුතු ශ්‍රී ලංකා පොදුජන පෙරමුණ සංවිධාන කළ මැයි දින රැළීයට හිටපු ජනපති මහින්ද රාජපක්ෂ මහතා සහභාගීවුයේ කෝපයෙන් බවත් ඒ බව තමන්ට හොදින් වැටහුණූ බව කී අමාත්‍යවරයා මෙසේ කීවේය.
මහින්ද රාජපක්ෂ මහතාට මෙම මැයි රැළියට සහභාගී නොවීමට නොහැකියි. නමුත් ඔහු පැමිණි අයුරින් වැටහෙනවා, ඔහු පැමිණියේ අකමැත්තෙන්, කේන්තියෙන් බව. ශ්‍රී ලංකා පොදුජන පෙරමුණ නිර්මාණය කළේ බැසිල් රාජපක්ෂ මහතාට වත්මන් ආණ්ඩුවේ ප්‍රබල පාර්ශවයකින් දුන් පොරොන්දුවක් මතයි. ඒ පොරොන්දුව තමයි, පළාත් පාලන මැතිවරණය ස්ථිර ලෙසම පැරණී ක්‍රමයට පැවැත්විය යුතු යැයි සදහන් වීම. ඒ පොරොන්දුව වෙනුවෙන් නව පක්ෂයක් නිර්මාණය කළා. නව පොහොට්ටු පක්ෂය නිර්මාණය කරනවාට මහින්ද රාජපක්ෂ මහතා කිසිසේත්ම මනාප වුණේ නැහැ.
නමුත් පැහැදිලිව කිව යුතුයි කොට්ඨාශ ක්‍රමයට පැවැත්වෙන මැතිවරණයක් සදහා නීති මේ වන විට සම්පාදනය කොට අවසන්. තම අපේක්ෂාව ඉටු නොවුණු නිසා එතුමා බලවත් කෝපයෙන් සිටින බව මම දැක්කා. ඒ නිසා තමයි, එතුමාට වැරදුණේ.
පළාත් පාලන සහ ප්‍රාදේශීය සභා, නගර සභා මැතිවරණ තිබුණත් ඒකාබද්ධ විපක්ෂය ඉන් පරාජයට පත්වෙනවා. ඔවුන්ගේ ශක්තිමත් ආසන සදහා අපගේ ප්‍රබල අපේක්ෂකයන් ඉදිරිපත් කළ හොත් නිසැක වශයෙන්ම ඔවුන් පරාජයට පත්වෙනවා. මේ සත්‍ය මහින්ද රාජපක්ෂ මහතා හොදින්ම දන්නවා. එම පක්ෂයේ වැඩි දෙනෙකු අපේ පක්ෂය යටතේ තරග කරන තත්ත්වයට අප පත්කරනවා. ඒ සදහා අවශ්‍ය ව්‍යාපාරය මේ වන විට පක්ෂයේ ගොඩනැගෙමින් අවසන්. එපමණක් නොව ඊට අවශ්‍ය ව්‍යාපාරය ඔහුගේ පවුල තුළින්ම ගොඩනැගෙනවා. පවුලේම බලගතු දෙතුන්දෙනෙකු ඉදිරියේදී අප සමග එක්වෙනවා යැයි සමාජ සවිබල ගැන්වීමේ හා සුභසාධන අමාත්‍ය එස්.බී.දිසානායක මහතා සදහන් කළේය.
නුවර නදීක දයා බණ්ඩාර
COMMENTS