හිටපු කොළඹ නගරාධිපති එ.එම්.ජේ.එම්.මුසම්මිල් මහතා නව මැලේසියානු තනාපතිවරයා වශයෙන් පත් කොට තිබේ. මෙලෙස නව මැලේසියානු තානාපතිවරයා ලෙස පත් වී...
හිටපු කොළඹ නගරාධිපති එ.එම්.ජේ.එම්.මුසම්මිල් මහතා නව මැලේසියානු තනාපතිවරයා වශයෙන් පත් කොට තිබේ.
මෙලෙස නව මැලේසියානු තානාපතිවරයා ලෙස පත් වී යන මුසම්මිල් මහතා ඊයේ(04) සවස කොළඹ කින්ස්බරි හෝටලයේදී විශේෂ උත්සවයක් පවත්වා ඇති අතර එම උත්සවයට ජනාධිපති මෛත්‍රීපාල සිරිසේන මහතාද සහභාගී වී ඇත.
එම උත්සවයට පැමිණි ජනාධිපති මෛත්‍රිපාල සිරිසේන මහතා මැලේසියානු නව තානාපති ධුරය සදහා පිටත්ව යන මුසම්මිල් මහතාට සුභපැතුම් එක්කල අතර පැමිණි සිටි පිරිස සමග ජනාධිපතිවරයා සුහදශීලි සකාච්ජාවකද නිරත විය.
මෙම උත්සවයට හිටපු ජනාධිපති චන්ද්‍රිකා බණ්ඩාරනායක කුමාරණතුංග, අගමැති රනිල් වික්‍රමසිංහ, මංගල සමරවීර, රවී කරුණානායක, මලික් සමරවික්‍රම යන අමාත්‍යවරුන්ද , ආණ්ඩුවේ මැති ඇමතිවරුන් රැසක්ද, මුසම්මිල් මහතාගේ පවුලේ සාමාජිකයින් විශාල පිරිසක් ද සහභාගී වී ඇත.
මේ අතර ඊයේ දිනයේ බොහෝ වෙබ් අඩවි වල පළවූ ජනාධිපතිවරයා සිටින්නේ අසනීප තත්වයකින් යන පුවත අසත්‍යක් බව ජනාධිපති මාධ්‍ය අංශය පැවසී ය.
COMMENTS