එම වාර්තාවට අනුව 2015 වසරේ රටවල් 168 ක් අතරින් 83 වැනි ස්ථානයට ශ්‍රේණිගතව සිටි ශ්‍රී ලංකාව 2016 වසරේදී තවදුරටත් පසුපසට යමින් රටවල් 176 ක්...
එම වාර්තාවට අනුව 2015 වසරේ රටවල් 168 ක් අතරින් 83 වැනි ස්ථානයට ශ්‍රේණිගතව සිටි ශ්‍රී ලංකාව 2016 වසරේදී තවදුරටත් පසුපසට යමින් රටවල් 176 ක් අතරින් 95 වැනි ස්ථානයට පත්ව තිබේ. ඒ සඳහා අප හිමිකරගෙන තිබෙන ලකුණු ප්‍රමාණය 36 කි.
දූෂණය පිටුදැකීම වෙනුවෙන් ජාත්‍යන්තර හඬක් නගන ට්‍රාන්ස්පේරන්සි ඉන්ටර්නැෂනල් ආයතනය වාර්ෂිකව මෙවැනි ශ්‍රේණිගත කිරීමක් සිදුකර ලොව අන්ත දූෂිත රටවල් මොනවාද යන්න පිළිබඳව හෙලිදරව් කරයි. ඒ සඳහා විවිධ අංශ හරහා තොරතුරු ලබාගෙන ඒ ඒ අංශ සඳහා ලකුණු ලබාදීමක් සිදුවේ.
පසුගිය 2016 වසරේ ලකුණු 50 ට වඩා ලකුණු හිමිකර ගනිමින් දූෂණය අවම රටවල් ලෙස ශ්‍රේණිගත වී ඇත්තේ රටවල් 69 ක් පමණි. ඒ අතරින් ලකුණු 90 ක් ලබාගනිමින් ඩෙන්මාර්කය හා නවසීලන්තය පළමු හා දෙවන ස්ථාන හිමිකරගෙන සිටින අතර ෆින්ලන්තය, ස්වීඩනය හා ස්විට්සර්ලන්තය පිළිවෙලින් සෙසු ස්ථාන තුන හිමිකරගෙන සිටී.
COMMENTS