විල්පත්තු වන විනාශය කියමින් ජාතිවාදය පතුරමින් සංහිදියාව බිඳින්න කිසිවෙකුටත් අවස්ථාවක් නොදිය යුතු බවට විල්පත්තු රක්ෂිතයේ හා ශිලාවතුර නැවත් ...
විල්පත්තු වන විනාශය කියමින් ජාතිවාදය පතුරමින් සංහිදියාව බිඳින්න කිසිවෙකුටත් අවස්ථාවක් නොදිය යුතු බවට විල්පත්තු රක්ෂිතයේ හා ශිලාවතුර නැවත් පදිංචි කිරීම් පිළිබඳව නිරීක්ෂණයක යෙදෙමින් වව්නියාවේ විහාරාධිපතින් වහන්සේලා පිරිසක් කියා සිටියහ.
මන්නාරම ශිලාවතුර ප්‍රදේශයේ මරිච්චිකට්ටි, කරඩික්කුලි, මුල්ලිකුලම්, පාවක්කුලි, අලක්කට්ටු හා කූමාන්කුලම් යන ගම්මානයන්හි නැවත පදිංචි කරවීම් හා එම වැසියන් සමග සාකච්ඡා කරමින් දිනය පුරා නිරීක්ෂණයක නිරත වූහ.
මෙම නිරීක්ෂණය සඳහා වව්නියාව අවරන්තුලාව චේතිගිරිය විහාරාධිපති පූජ්‍ය මොරගොඩ දම්මානන්ද හිමියන්, මුලතිව් ශාශනාරක්ෂක බලමණ්ඩුලයේ සභාපති හා කිරිඉබ්බන්වැව විහාරාධිපති පොලොන්නරුවේ තිලකාලංකාර හිමියන්, මුලතිව් ශාශනාරක්ෂක බලමණ්ඩුලයේ ලෙක්ම හා ඇතාවැටුනුවැව විහාරාධිපති මොනරවැව ධම්මිත්ත හිමයින් ඇතුලු භික්ෂූන් වහන්සේලා පිරිසක් මෙම නිරීක්ෂණය සඳහා එක් වූහ.
ඊට අමතරව 1980 වසරේදී මරිච්චිකට්ටිහි හිටපු ජනාධිපති ආර්.ප්‍රේමදාස මහතා විසින් විවෘත්ත කරන ලද නිවාස ව්‍යාපෘතියක පැරනි නිවාස කිහිපයක්ද භික්ෂූන් වහන්සේලා විසින් නිරීක්ෂණය කළ අතර ඉන් පසුව මාධ්‍යට අදහස් දක්වමින් කියා සිටියේ.
‘‘මේ වන විට රටේ විශාල ප්‍රචාරයක් යනව විල්පත්තු රක්ෂිතය විනාශ කරල අමාත්‍යවරයෙකුගේ නායකත්වයෙන් මුස්ලිම් වැසියන් පිටස්තර පලාත්වලින්ද රැගෙනවිත් නැවත පදිංචි කරවීම් කරනවා කියලා මේ ප්‍රචාරයන් සියල්ලක්ම බොරු මේ බොරු ප්‍රචාරය කරන පිරිස් ඇයි මේ පළාත් වලට ඇවිත් හරියටම වෙලා තියෙන්නේ මොනවද කියල හොයල බලන්නැත්තේ ‘‘මේ පලාත් වල නැවත පදිංචි වෙලා තියනවා ඒක ඇත්ත නමුත් ඒ පදිංචි වෙලා ඉන්නනේ මේ ජනතාවගේ මුල් ඉඩම් වල පාරම්පරික අයිතියක් තියෙන ඉඩම් වල යුද්දෙන් පසුව අවුරුදු 30 කට පසුව මේ අය එන කොට මේ අයගේ නිවාස සියල්ලක්ම විනාශ වෙලා ගෙවල් ඇතුලේ ලොකු ගස් ඉඩම් මහ මූකලාන වගේ ඉතිං ඒ ගස් කපලා එලිපෙහෙලි කරන වෙලාවෙ තමයි රට තුල මෙවැනි බොරු ප්‍රචාරයන් යන්නෙ කියලා අපිට හැඟුනේ මෙහෙට ආවට පස්සේ.
‘‘අපි මෙහේ ඉන්න විල්පත්තු වනජීවි නිලධාරීන් එක්ක ඒ වගේම රාජ්‍ය නිලධාරීන් සමග සාකච්ඡා කලා ඒ අය රට තුල යන බොරු ප්‍රචාරය නිසාම අද මාධ්‍යට අදහස් දෙන්න බිය වෙලා නමුත් ඒ අය අපි සමග කිව්වේ මේ නැවත පදිංචි වීම් කැලෑ එලිපෙහෙලි කිරීම් කිසිවක් නීති විරෝධී නොවන බවයි. මොනා වුන් මේ ජනතාව ඒ ඉඩම් වල පරම්පරා ගතව සිටි නිසා අද ඒ අය බයක් නැතුව ඇවිත් ඒ අයගේ ඉඩම් එලිපෙහෙලි කරගන්නවා ඒකේ වැරද්දක් නැහැ වගේ වැරද්දක් ඇතිනම රජයක් වශයෙන් එම අවස්ථාවේදීම නීතිය ක්රියාත්මක කරන බවට ඒ නිලධාරීන් අප සමඟ කියා සිටියා.
‘ඒ වගේම මේ පළාත් වල මුස්ලිම් ජනතාව පමණක් නොවෙයි ජීවත් වෙලා ඉන්නේ සිංහල වැසියන් පිරිසකුත් ඉන්නවා දෙමළ වැසියොත් ඉන්නවා එහෙම නම් අපිට කියන්න තියෙනනේ යුද්දෙන් පසුව අමාරුවෙන් ගොඩනගාගත් සහජීවනය සංහිදියාව මේ බොරු ජාතිවාදි අදහස් වලට රැවටෙන්න එපා එහෙම වුනොත් ඇතිවන්නේ ජාතිවාදී යුද්දයක් ඒ යුද්දේ තිබුණු අවි යුද්දෙට වඩා දරුණු යුද්දයක් වෙනවා මේ ගැන රටේ පාලකයින් විදිහට බුද්ධිමත්ව සිතා තීරණයක් ගන්න ඕන කාලයයි මේ" යනුවෙනි
- වන්නි රොමේෂ්-
COMMENTS