ඒ අනුව පළමු අදියර යටතේ අක්ෂි කාච මිල අඩු කිරීමට සැළසුම් කර තිබේ. දැනට අක්ෂි කාච මිල ගණන් පිළිබඳව රෝගී ජනතාවගෙන් පැමිණිලි රැසක් ලැබී ඇති බ...
ඒ අනුව පළමු අදියර යටතේ අක්ෂි කාච මිල අඩු කිරීමට සැළසුම් කර තිබේ. දැනට අක්ෂි කාච මිල ගණන් පිළිබඳව රෝගී ජනතාවගෙන් පැමිණිලි රැසක් ලැබී ඇති බව සෞඛ්‍ය අමාත්‍යවරයා පෙන්වා දෙයි. දැනට රජයේ රෝහලට අක්ෂි සායන සඳහා පැමිණෙන රෝගීන්ට අවශ්‍ය අක්ෂි කාච ලක්ෂයක් සෞඛ්‍ය අමාත්‍යවරයාගේ මැදිහත්වීමෙන් නොමිලයේ ලබාදී තිබේ.
නමුත් පෞද්ගලික රෝහල්වලට පැමිණෙන රෝගීන්ට අධික මිල ගණන් යටතේ අක්ෂි කාච අලෙවි කරන බවට සෞඛ්‍ය අමාත්‍යවරයා ප්‍රකාශ කරයි. ඇතැම් අක්ෂි කාච ඉන්දියාවෙන් රුපියල් 6000 කට පමණ ආනයනය කර රෝගීන්ට රුපියල් 25,000 කට පමණ අලෙවි කරන බව හෙළි වී තිබේ. අක්ෂි කාච මිල නියාමනය කිරීම තුලින් අක්ෂි කාචයක් රුපියල් 10,000 කට පමණ අලෙවි කළ හැකි බව සෞඛ්‍ය අමාත්‍යවරයා අවධාරණය කර සිටී.
ශල්‍ය උපකරණ මිල අඩු කිරීමේ ක්‍රමවේදයෙද සකස් කරන ලෙස සෞඛ්‍ය අමාත්‍යවරයා ජාතික ඖෂධ නියාමන අධිකාරියට උපදෙස් ලබාදී ඇත.
COMMENTS