රජය විසින් පනවා ඇති බදු ප්‍රතිශතයන් හැකි ඉක්මනින් ඉවත් කිරීමට කටයුතු කරන බව මුදල් අමාත්‍ය රවි කරුණානායක මහතා පවසයි. වත්මන් රජය විසින...
රජය විසින් පනවා ඇති බදු ප්‍රතිශතයන් හැකි ඉක්මනින් ඉවත් කිරීමට කටයුතු කරන බව මුදල් අමාත්‍ය රවි කරුණානායක මහතා පවසයි.
වත්මන් රජය විසින් රජයේ දේපළ විකිණීමක් සිදු නොකරන බවත් ඉදිරියේ දී එළැඹීමට නියමිත ගිවිසුම් ප්‍රකාරව සිදු කිරීමට යන්නේ පාඩු ලබන තත්ත්වයේ පවතින රජය සතු ආයතන පෞද්ගලික අංශය හා ඒකාබද්ධ වෙමින් ක්රියාත්මක කිරීමේ ක්‍රමවේදයක් පමණක් බවත් හෙතෙම පෙන්වා දෙයි.
උදාහරණයක් වශයෙන් ශ්‍රී ලංකා ටෙලිකොම් වැනි ආයතනයන් පාඩු ලබන තත්ත්වයෙන් මඟහරවාගෙන ඉතා සාර්ථකව පවත්වාගෙන යන බව අමාත්‍යවරයා පෙන්වා දුන්නේය.
එමෙන් ම මේ වන විට විරෝධතා ව්‍යාපාරයන් අසල රුපියල් 5000 නෝට්ටු සංසරණයවීමක් වාර්තා වී ඇති බවත් පසුගිය ජනාධිපතිවරණයට පෙර ශ්‍රී ලංකා මහ බැංකුවෙන් නීති විරෝධී ලෙස බැහැර ගෙන ආ කෝටි 1300ක මුදල් ඇති බවත් මේ සියලු සිද්ධීන් සම්බන්ධයෙන් පුළුල් පරීක්ෂණ සිදු කරන බවත් අමාත්‍යවරයා ප්‍රකාශ කළේය.
COMMENTS