රථ වාහන වැරදි සම්බන්ධයෙන් වන දඬුවම් හා දඩ මුදල් පිළිබඳව නව ලේඛනයක් සකස් කිරීමට බලාපොරොත්තු වන බව ප්‍රවාහන අමාත්‍යාංශය පවසයි. ඒ සඳහා මූලි...
රථ වාහන වැරදි සම්බන්ධයෙන් වන දඬුවම් හා දඩ මුදල් පිළිබඳව නව ලේඛනයක් සකස් කිරීමට බලාපොරොත්තු වන බව ප්‍රවාහන අමාත්‍යාංශය පවසයි.
ඒ සඳහා මූලික වැඩකටයුතු මේ වන විටත් ආරම්භ කර ඇති බව ප්‍රවාහන අමාත්‍යාංශ ලේකම් නිහාල් සෝමවීර මහතා පැවසී ය.
රථ වාහන වැරදි සම්බන්ධයෙන් වන දඬුවම් හා දඩ ප්‍රමාණයන් සංශෝධනයට අදාළව අදහස් ලබාදෙන ලෙස පෞද්ගලික බස් සංගම්වලට ද දැනුම් දී ඇත.
නව දඩ මුදල් සම්බන්ධයෙන් සොයා බැලීමට ජනාධිපතිවරයා විසින් පත් කළ කමිටුව රැස්වූ අවස්ථාවේ දී මෙම දැනුම්දීම සිදකළ බව ලේකම්වරයා සඳහන් කළේය.
මෙම සතිය තුළ අදාළ අදහස් ලිඛිතව ලබාදෙන ලෙස පෞද්ගලික බස් සංගම්වලට දැනුම් දී තිබේ.
ඒ අනුව ලැබෙන යෝජනා සහ අදහස් පිළිබඳව අවධානයයොමු කොට දඬුවම් හා දඩ ප්‍රමාණයන් පිළිබඳව අවසන් එකඟතාවකට පැමිණීමට බලාපොරොත්තු වන බව ප්‍රවාහන අමාත්‍යාංශය පෙන්වා දුන්නේය.
මේ අතර පසුගිය සිකුරාදා දිනයේ පැවති බස් වර්ජනය අතර තුර රාජ්‍ය දේපළ හා මහජනතාවට හානිකළ පිරිස් නීතිය හමුවට ගෙනඒමට කඩිනමින් කටයුතු කරන බව රජයේ ප්රවෘත්ති දෙපාර්තමේන්තුව සඳහන් කළේය.
නිවේදනයක් නිකුත් කරමින් ප්රවෘත්ති දෙපාර්තමේන්තුව පෙන්වා දෙන්නේ අදාළ ක්‍රියාව පිටුපස ආණ්ඩු විරෝධී බලවේගයක් ක්රියාත්මක වි ඇති බවට පොලීසියට තොරතුරු ලැබී ඇති බවයි.
මේ වනවිටත් අදාළ සිද්ධිය සම්බන්ධයෙන් දිවයින පුරා පුද්ගලයින් 31දෙනෙකු අත්අඩංගුවට ගෙන ඇත.
අනුරාධපුරදී හමුදා සෙබලෙකු අසාද්‍ය තත්ත්වයට පත් කරමින් සිදුකළ පහරදීම්වලට සම්බන්ධ පුද්ගලයින් අත්අඩංගුවට ගැනීම සඳහා විශේෂ පොලිස් කණ්ඩායම් කිහිපයක්ම යොදවා ඇති බවද රජයේ ප්රවෘත්ති දෙපාර්තමේන්තුව සඳහන් කළේය.
වර්ජනය ක්රියාත්මක වූ දිනයේ සිදුකළ පහරදිම්වලින් තවත් පුද්ගලයින් සිව් දෙනෙකු පමණ තුවාල ලබා ඇති අතර ලංකා ගමනාගමන මණ්ඩලයට අයත් බස් රථ 128කට හානී සිදුවී ඇති බව ප්රවෘත්ති දෙපාර්තමේන්තුව පැවසී ය.
COMMENTS