රුහුණු කතරගම මහා දේවාලයේ ඉල්මහ පෙරහර ඉතිහාසයේ පළමු වතාවට එක් ඇතෙකු පමණක් යොදාගනිමින් සිදුකිරීමට සිදුවනු ඇතැයි එම දේවාලයේ බස්නායක නිලමේ ඩී....
රුහුණු කතරගම මහා දේවාලයේ ඉල්මහ පෙරහර ඉතිහාසයේ පළමු වතාවට එක් ඇතෙකු පමණක් යොදාගනිමින් සිදුකිරීමට සිදුවනු ඇතැයි එම දේවාලයේ බස්නායක නිලමේ ඩී.පී. කුමාරගේ මහතා පවසයි.
ඔහු මේ බව කියා සිටියේ කොළඹ ඊයේ(18) පැවති මාධ්‍ය හමුවකට එක්වෙමිනි.
එහිදී ජනාධිපතිවරයා සහ අග්‍රාමාත්‍යවරයා පොරොන්දු වූ පරිදි කතරගම දේවාලයට අලි ලබාදීම තිරසාර සංවර්ධන සහ වනජීවි අමාත්‍ය ගාමිණී ජයවික්‍රම පෙරේරා දිගින් දිගටම ප්‍රමාද කරමින් සිටින බවටද බස්නායක නිලමේවරයා චෝදනා කළේය.
හතරවෙනි වතාවටත් ඇමතිවරයාට ලිපියක් බාර දුන් බවත් වසර 5ත් 6ත් අතර අලියෙකු අවශ්‍ය බවත් ඔහු සඳහන් කළේය.
රජයෙන් අලි සංචිතයක් ඇති කර ඒ මගින් පෙරහැරවලට අලි ලබා දීමේ තීරණයක් ගැන අමාත්‍ය ගාමිණී ජයවික්‍රම පෙරේරා මහතා කළ ප්‍රකාශය පිළිබඳ මාධ්‍යවේදියෙක් නැගූ ප්‍රශ්නයකදී බස්නායක නිලමේවරයා සඳහන් කළේ “ගාමිණී ජයවික්‍රම ඇමතුමාටම කියන්න ඕන ඇවිල්ලා පෙරහැර කරගන්න කියලා. රජයෙන්ම පෙරහැරත් කළානම් හොඳයි එහෙනම්. එයාට වැඩක් නෑනේ එහෙ අලි හිරකරගෙන ඉඳලා අපේ පෙරහැරට අලි ගෙනල්ලා ආයෙත් ගෙනියන්න වුවමනාවක් තියෙනවද“
එම වීඩියෝව පහතින් නරඹන්න.
COMMENTS