රටේ සමස්ත ජනතාවට අවශ්‍ය හා ජනතාවගේ සිතුම් පැතුම් ඉටුවන අය වැයක් ඉදිරිපත් කිරිමට කටයුතු කරන බව මුදල් ඇමති රවි කරුණානායක මහතා පවසයි. අයවැය ...
රටේ සමස්ත ජනතාවට අවශ්‍ය හා ජනතාවගේ සිතුම් පැතුම් ඉටුවන අය වැයක් ඉදිරිපත් කිරිමට කටයුතු කරන බව මුදල් ඇමති රවි කරුණානායක මහතා පවසයි.
අයවැය පිළිබද ජනතා අදහස් ලබා ගැනිමේ 06වැනි වැඩසටහනට එක්වෙමින් ඇමතිවරයා මේ බව සදහන් කළේය.ගාල්ල දිස්ත්‍රික්කයේ මෙම වැඩසටහන ලබුදුව සිරිධම්ම විද්‍යාලයේ දි ඊයේ (29) පැවැත්විණි.
එහිදි ඇමතිවරයා තවදුරටත් අදහස් දක්වමින් මෙසේද කිවේය.
“අපි රටේ ලොකුවෙනසක් ඇති කරලා තියෙනවා. අපේ වැඩ තියෙනවා ලොකු ශබ්දයක් නැතිව. ජනවාරි 08 වැනිදා රටේ ජනතාව යම් විශ්වාසයකින් අපට රට භාර දුන්නා. අපි අනිවාර්යෙන්ම ඒ ගරුත්වය රැකගෙන ජනතාවට ප්‍රතිලාභ දෙන්න කටයුතු කරණවා. මේ අයවැය තුලින් ඒ ප්‍රතිලාභයන් ලබා දිමට කටයුතු කරණවා. කොළඹ ඉදලා සකස් කරන අයවැයක් අපට අවශ්‍ය නැහැ. අපේ ජනාධිපතිතුමාත් අගමැතිතුමාත් උපදෙස් දිලා තියෙන්නේ අපේ මන්ත්‍රිවරු සමග සාකච්ඡා කරලා. එම ප්‍රදේශවලට ගොස් ජනතා අදහස් ලබාගෙන එවැනි අයවැයක් ඉදිරිපත් කරන්න කියලා. ජනතාව විසින් අහපු ප්‍රශ්නවලට පිළිතුරු තවදින 11කින් ලැබේවි.
“අපට අවශ්‍ය වුනේ ජනතාවත් සමග බද්ධවෙලා ඔවුන්ගේ ප්‍රශ්න මොනවාද? කොහොමද? කොයි අයුරින්ද මේ අයවැයට ඉදිරිපත් කරන්නේ කියලා. රටේ සමස්ත ජනතාවට අවශ්‍ය අයවැයක් ඉදිරිපත් කිරිමට තමයි අපට අවශ්‍ය වන්නේ. මෙතන අහපු ප්‍රශ්න වලින් ප්‍රශ්න 15ක් පමණ සෘජුවම අයවැයට සම්බන්දයි. ජනතාවගේ ප්‍රශ්න යෝජනා අපේ අයවැය හදන අයුරින් සමගාමිව යනවා. තව දින 11කින් ඉදිරිපත්වන අයවැය මගින් ජනතාවගේ සිතුම් පැතැම් ඉටුවෙන ඇති බවට මා ප්‍රර්ථනා කරණවා. හැම ප්‍රශ්නයකට උත්තරයක් දැන් නැතිවුනත් ඒ ප්‍රශ්න නිරාකරණය කරගෙන ගිහින් ඒ ප්‍රශ්නවලට උත්තරයක් ලබා දෙන එක තමයි අපේ වගකිම.
වැවිලි කර්මාන්තයට අවශ්‍ය සියලුම මුදල් ලබා දිලා තියෙනවා. යම් අයට ලැබිලා තියෙනවා කියනවා. යම් පිරිසකට ලැබිලා නැහැ කියනවා. ඒ නිසා තමයි අලුත් ක්‍රමය අනුව ලැබියයුතු කෙනාටම සෘජුවම ලබාදෙන්න කටයුතු කරන්නේ. අතරමැදියන් ආවිට යම් දුෂණයක්ද සිදුවෙනවා.“ යැයිද ඇමතිවරයා කිවේය.
ගාල්ල ලලිත් චාමින්ද
COMMENTS