යාපනය සරසවි සිසුන් දෙදෙනා මියගියේ පොලිස් වෙඩි පහරින් බවට ආරංචි පොලිසියේ 5 කගේ වැඩ තහනම් ඊයේ රාත්‍රී යාපනයේ කන්කසන්තුරේ ප්‍රදේශයේදී යතු...
යාපනය සරසවි සිසුන් දෙදෙනා මියගියේ
පොලිස් වෙඩි පහරින් බවට ආරංචි
පොලිසියේ 5 කගේ වැඩ තහනම්
ඊයේ රාත්‍රී යාපනයේ කන්කසන්තුරේ ප්‍රදේශයේදී යතුරු පැදියකින් ගමන් කරමින් සිටි විශ්ව විද්‍යාල ශිෂ්‍යයන් දෙදෙනකු මියයාම පොලිස් වෙඩි පහරින් සිදුවූ බවට පරීක්ෂණ වලින් එළිවෙමින් පවතී.
මේ වනවිට සිද්ධිය සම්බන්ධයෙන් සැකපිට පොලිස් නිලධාරීන් පස් දෙනකු අත්අඩංගුවට ගෙන ඇති බවත් ඔවුන්ගේ සේවය අත්හිටුවා ඇති බවත් රජයේ ප්රවෘත්ති දෙපාර්තමේන්තුව පවසයි.
අද උදෑසන
පොලිස් මාධ්‍ය ප්‍රකාශක කාර්යාලය දන්වා තිබුනේ මෙම මරණ සිසුන් දෙදෙනා ගිය යතුරු පැදිය තාප්පයක ගැටී ඇතිවූ හදිසි අනතුරක් නිසා සිදුවූවක් ලෙසයි.
නමුත් පසුව සිදු කළ පරීක්ෂණ අනුව එම කතාව එම ස්ථානයේ රාජකාරියේ යෙදුණ නිලධාරීන් ගෙතූවක් ලෙස ඔප්පුවී ඇත.
යාපන සරසවියේ තුන්වන වසරේ ඉගෙනුම
පසුව පොලිසිය යතුරු පැදියට වෙඩි තබා ඇතැයි ද ඒ සමඟම යතුරුපැදිය පාර අසල නිවසක තාප්පයක වැදී අනතුරට පත්වී ඇතැයි ද නිල නොවන ආරංචි හෙළි කර තිබේ.
යාපනය මහේස්ත්‍රාත් එස්. සතීශ්කරන් මහතා සිද්ධිය වු ස්ථානයට ගොස් මරණ පරික්ෂණ පවත්වා ඇති අතර යාපන රෝහලේ අධිකරණ වෛද්‍ය නිලධරයා පශ්චාත් මරණ පරික්ෂණය පවත්වා දන්වා තිබුනේ යතුරුපැදිය පදවා ගෙන ගිය සිසුවාගේ හිසට වෙඩි පහර දෙකක් වැදී ඇති බවත් යතුරු පැදිය පාලනය කර ගත නොහැකිව අනතුර සිදු වු බවත් පිටුපස ආසනයේ සිටි සිසුවාට වෙඩි වැදී නැති නමුත් ඔහු අනතුරින් සිදුවූ තුවාල නිසා මියගොස් ඇති බවත්ය.
මෙය සාමාන්‍ය අනතුරක් ලෙස පොලිසිය හුවා දක්වන්නට උත්සාහ ගෙන තිබියදී නෑ නෑ අපට වෙඩි සද්ද ඇහුණායි කියමින් අසල්වාසීන් කලබල කර තිබුණ අතර ඒ නිසා රහස් පොලිසිය වෙත මෙම පරීක්ෂණ මේ වනවිට භාරදී තිබේ.
අපක්ෂපාත පරික්ෂණයක් පවත්වන ලෙස යාපන සරසවි සිසුන් ඉල්ලා ඇති අතර මානව හිමිකම් කොමිසම ද පරික්ෂණයක් ආරම්භ කර ඇති බවට තොරතුරු ලැබේ.
COMMENTS