ලෝක සෞඛ්‍ය සංවිධානයේ විශේෂ සම්මානයක් ජනාධිපති මෛත්‍රීපාල සිරිසේන මහතා වෙත අද(05) රාත්‍රී ජනාධිපති මන්දිරයේදී පිරිනැමීමට නියමිත බව වාර්තා ව...
ලෝක සෞඛ්‍ය සංවිධානයේ විශේෂ සම්මානයක් ජනාධිපති මෛත්‍රීපාල සිරිසේන මහතා වෙත අද(05) රාත්‍රී ජනාධිපති මන්දිරයේදී පිරිනැමීමට නියමිත බව වාර්තා වේ.
මද්‍යසාර, දුම්කොළ හා නිතී විරෝධී මත්ද්‍රව්‍ය භාවිතය ක්‍රමානුකූලව අඩු කිරීමෙන් ඒවා භාවිතයෙන් වන හානිය අවම කිරීම මඟින් සියලු ශ්‍රී ලාංකිකයන්ගේ සෞඛ්‍ය හා යහපැවැත්ම දියුණු කිරීම වෙනුවෙන් ජාතික මත්ද්‍රව්‍ය නිවාරණ වැඩසටහන ක්රියාත්මක කිරීම, සෞඛ්‍ය සේවාව වෙනුවෙන් සිදුකරන සුවිශේෂී සහයෝගය සහ දායකත්වය උදෙසා ලෝක සෞඛ්‍ය සංවිධානය විසින් ජනාධිපති මෛත්‍රීපාල සිරිසේන මහතාට මෙම සම්මානය පිරිනැමීමට නියමිතය.
මේ අතර මෙරටට පැමිණ සිටින ලෝක සෞඛ්‍ය සංවිධානයේ අධ්‍යක්ෂ ජනරාල් වෛද්‍ය මාග්‍රට් චෑන් මහත්මිය හා ජනාධිපති මෛත්‍රීපාල සිරිසේන මහතා අතර හමුවක් අද(05) රාත්‍රී ජනාධිපති මන්දිරියේදී පැවැත්වේ.
එහිදී මාග්‍රට් චෑන් මහත්මියට ජනාධිපතිවරයා විසින් රාත්‍රී භෝජන සංග්‍රහයක්ද පිරිනැමීමට නියමිතය.
මෙරටදී පැවැත්වෙන ලෝක සෞඛ්‍ය සංවිධානයේ දකුණු සහ නැගෙනහිර ආසියානු කලාපයේ 69 වන වාර්ෂික කමිටු සැසිවාරයට සහභාගී වීම සඳහා ලෝක සෞඛ්‍ය සංවිධානයේ අධ්‍යක්ෂ ජනරාල් වෛද්‍ය මාග්‍රට් චෑන් මහත්මිය දිවයිනට පැමිණ තිබේ.
COMMENTS