දිගු කලක සිට ඉල්ලීම් කළත් නොවිසඳුනු ගැටළු රැසක් සඳහා කඩිනම් විසඳුම් ලබාදෙන මෙන් ඉල්ලා වෘත්තීය ක්‍රීයා මාර්ග වෙත එළඹීමට මධ්‍යම රජයේ කෘෂි උප...
දිගු කලක සිට ඉල්ලීම් කළත් නොවිසඳුනු ගැටළු රැසක් සඳහා කඩිනම් විසඳුම් ලබාදෙන මෙන් ඉල්ලා වෘත්තීය ක්‍රීයා මාර්ග වෙත එළඹීමට මධ්‍යම රජයේ කෘෂි උපදේශකවරුන්ගේ හා කෘෂි පර්යේෂණ සහකාරවරුන්ගේ සංගම් තීරණය කොට තිබේ.
රජයේ කෘෂි උපදේශන සංගමයේ සිරිල් අබේවික්‍රම මහතා මේ බව ප්‍රකාශ කළේ අද (07) උදෑසන මහනුවර තරුණ බෞද්ධ සංගම් ශාලවේ පැවති මාධ්‍ය හමුවකදීය.
එහිදී අදහස් දැක්වූ ඒ මහතා කියාසිටියේ මෙතෙක් නොලද වෘත්තීමය උසස්වීම් ලබා ගැනීම, කෘෂිකර්ම උපදේශකවරුන්ගේ අධීක්ෂණය යටතේ ග්‍රාමීය මට්මමේ ව්‍යාපෘති කාරක සේවාව යළි ස්ථාපිත කිරීම, දේශීය කෘෂි බීජ නිෂ්පාදනය ඉහළ නංවා විදේශ බීජ මෙරටට ගෙන්වීම අවම කිරීම වැනි කරුණු ගණනාවක් පිළිබඳව වසර 10ක පමණ කාලයක් කළ ඉල්ලීම් සම්බන්ධයෙන් මෙතෙක් නිසි විසඳුම් ලබා නොදීම හේතුවෙන් සියළුම කෘෂී උපදේශකවරුන් හා පර්යේෂණ සහකාරකවරුන් අද දිනයේ සේවයෙන් ඉවත්ව මහනුවරදී පැවැත්වෙන විශේෂ මහ සභාවට රැස්ව ඉදිරි වෘත්තීය ක්‍රියාමාර්ග ගැනීම පිළිබඳව තීන්දු තීරණ ගන්නා බවයි.
මහනුවර - කමල් සුරවීර
COMMENTS