ලබන වර්ෂයේ මුල් භාගය වන විට පළාත් පාලන මැතිවරණ පවත්වන බවත් මැතිවරණයට ශ්රී ලංකා නිදහස් පක්ෂය අත ලකුණින් තරග කිරීමට සූදානම් බවත් ශ්රී ලංකා...
ලබන වර්ෂයේ මුල් භාගය වන විට පළාත් පාලන මැතිවරණ පවත්වන බවත් මැතිවරණයට ශ්රී ලංකා නිදහස් පක්ෂය අත ලකුණින් තරග කිරීමට සූදානම් බවත් ශ්රී ලංකා නිදහස් පක්ෂ සභාපති, ජනාධිපති මෛත‍්‍රීපාල සිරිසේන මහතා පවසයි.
ජනාධිපතිවරයා මේ බව ප්‍රකාශ කළේ අද(04) කුරුණෑගල පැවති ශ්රී ලංකා නිදහස් පක්ෂයේ 65වන සම්මේලනයට එක්වෙමිනි.
අනාගතයේදී ශ්රී ලංකා නිදහස් පක්ෂ ආණ්ඩුවක් බිහිකිරීමේ පළමු වෙඩිමුරය අද තැබූ බව ජනාධිපති මෛත‍්‍රීපාල සිරිසේන මහතා ප්‍රකාශ කර සිටියේය.
මෙම සංවත්සර උත්සවයේදී ශ්රී ලංකා නිදහස් පක්ෂය විසින් නව ආණ්ඩුක්‍රම ව්‍යවස්ථා සංශෝධනයක් සකස් කිරීම ඇතුළු යෝජනා 07ක් ඒකමතිකව සම්මත කර ගැනීමද සිදු වුණි.
ඒහිදී මේ සම්බන්ධව අදහස් දැක්වූ ජනාධිපතිවරයා,
“මේ 65 වෙනි සංවත්සර මහා සමුළුවේදී මේ පැමිණි අති විශාල ජන ගංගාවට, ආදරණීය දෙමවුපියන්ට, දරුවන්ට මම කියනවා, පක්ෂයේ සියලු නායකයන්ට මම කියනවා. අනාගතයේ ශ්රී ලංකා නිදහස් පක්ෂ ආණ්ඩුවක් පිහිටුවීමේ පළවෙනි වෙඩිමුරය තමයි අද මේ 65 වෙනි සංවත්සරයෙන් තිබ්බේ කියන එක. ඒක ඉතා පැහැදිලිව මම කියනවා. ශ්රී ලංකා නිදහස් පක්ෂයෙන් පාර්ලිමේන්තුවට ගිහිල්ලා විපක්ෂයේ මන්ත්‍රීවරු විදිහට ඉන්න ඕනේ කියන අයිතිය සමහරු ඉල්ලපුවම ඒ අයිතිය මම දුන්නා. ඒ පිරිසට මම කාරුණිකව සහ ගෞරවයෙන් ඉල්ලීමක් කරනවා අලුත් දේශපාලන බලවේග ගැන කතා නොකර ශ්රී ලංකා නිදහස් පක්ෂයත් සමග හිටගෙන ශ්රී ලංකා නිදහස් පක්ෂය ශක්තිමත් කරලා ඉදිරියේදී පක්ෂයේ ආණ්ඩුවක් අනාගතයේ හදන්න සියලුදෙනාගේ කැපවීම ඒකරාශ්‍රී කරන්නැයි කියලා ”
COMMENTS