1998 වසරේ යාපනය අච්චුවේලි යුද හමුදා කඳවුරේ සෙබලුන් පිරිසක් විසින් සිවිල් වැසියන් දෙදෙනෙකු වෙඩි තබා ඝාතනය කිරීමක් සම්බන්ධයෙන් ඊයේ (27) යාප...
1998 වසරේ යාපනය අච්චුවේලි යුද හමුදා කඳවුරේ සෙබලුන් පිරිසක් විසින් සිවිල් වැසියන් දෙදෙනෙකු වෙඩි තබා ඝාතනය කිරීමක් සම්බන්ධයෙන් ඊයේ (27) යාපනය දිසා අධිකරණයේදී විභාග වූ නඩුවකට පෙනී සිටි යුද හමුදා සෙබලුන් 05දෙනෙකු ලබන මස 10 වනදා දක්වා රක්ෂිත බන්ධනාගාරගත කරන ලෙසත් තවත් සෙබලුන් 11දෙනෙකුට එදින අධිකරණය ඉදිරියේ පෙනී සිටින ලෙසත් යාපනය දිසා විනිසුරුවරයා අච්චුවේලි පොලීසියට නියෝග කොට තිබේ.
1998 වසරේදී අච්චුවේලි යුද හමුදා කඳවුරේ සෙබලුන් පිරිසක් විසින් සිවිල් වැසියන් දෙදෙනෙකු වෙඩි තබා ඝාතනය කිරිමක් සම්බන්ධයෙන් යුද හමුදා පොලීසිය විසින් අච්චුවේලි පොලීසියේ ගොනු කර තිබූ පැමිණිල්ලකට අනුව එහි වාර්තාවක් අච්චුවේලි පොලීසිය විසින් නීතිපතිවරයාට යොමු කිරීමෙන් අනතුරුව නීතිපතිවරයා විසින් අච්චුවේලි පොලීසියට උපදෙස් දී ඇත්තේ අදාල සිදුවීම සම්බන්ධයෙන් දණ්ඩනීති සංග්‍රහයේ 296 වගන්තියට අනුව නඩු පවරන ලෙසයි.
පසුව අච්චුවේලි පොලීසිය විසින් ඒ බව යාපනය දිසා අධිකරණයට දැනුම් දීමෙන් අනතුරුව අච්චුවේලී යුද හමුදා කඳවුරේ එවකට සිටි සෙබලුන් 16දෙනෙකුට නොතීසි නිකුත් කරමින් ඊයේ යාපනය දිසා අධිකරණය හමුවේ පෙනී සිටින ලෙසට දැනුම් දී ඇති අතර අදාල යුද හමුදා සෙබලුන් 16දෙනාගෙන් 05දෙනෙකු පමණක් පෙනී සිට ඇත.
කෙසේ වෙතත් 20-18 නඩු අංකය යටතේ අදාල නඩුව විමසීමේදී අනෙක් සෙබලුන් 11දෙනා පෙනී නොසිටි නිසා ඔවුන්ට ලබන ඔක්තොම්බර් මස 10වනදා අධිකරණයේ පෙනී සිටින ලෙසටත් නඩු වාරයට පෙනී සිටි යුද හමුදා සෙබලුන් 05දෙනා මිනීමැරුම් චෝදනාවක් ලබා තිබීම හේතුවෙන් ඇපලබා දීමට නොහැකි බැවින් ඔවුන්ටද ලබන 10වනදා දක්වා බන්ධනාගාරගත කිරීමටත් දිසා විනිසුරුවරයා නියෝග කොට ඇත.
වන්නි - රොමේෂ් මධුෂංඛ
COMMENTS