පසුගියදා ඒකාබද්ධ විපක්ෂය පැවැත්වූ පාද යාත්‍රාවට පැමිණි පිරිස කෝටි 2ක් යැයි තමා කළ ප්‍රකාශය ගැන සිදු වූ අත්වැරදීම පිළිබඳ පාර්ලිමේන්තු මන්ත්...
පසුගියදා ඒකාබද්ධ විපක්ෂය පැවැත්වූ පාද යාත්‍රාවට පැමිණි පිරිස කෝටි 2ක් යැයි තමා කළ ප්‍රකාශය ගැන සිදු වූ අත්වැරදීම පිළිබඳ පාර්ලිමේන්තු මන්ත්‍රීනි ගීතා කුමාරසිංහ මහත්මිය ඊයේ (08) ගාල්ලේ පැවැති මාධ්‍ය හමුවකදී පැවසුවාය.
ඇය එහිදී මෙසේද පැවසීය,
“ලක්ෂ 20 අපි කියන්නේ ටූ මිලියන් කියලා. ඉතින් ඒක මට කෝටි දෙකක් කියලා කියවුණා. මැයි දින රැලියේ දී එක ඇමැති කෙනෙක් කිව්වේ ජනාධිපති ආවම ගරු මහින්ද රාජපක්ෂ ජනපති පිළිගන්න කියලා. එක ඇමැති කෙනෙක් උඩ ඉඳන් බලලා කිව්වනේ මීටර් 100ක දුරක් සෙනග හිටියා කියලා. එහෙනම් මුළු මාධ්‍යම පෙරළන් කෑ ගහන්න ඕනේ නෑනේ. එක ඇමැති කෙනෙක් කිව්වා 2000ක් 3000ක් ආවා කියලා. එයා එහෙම කියනවානම් මම කෝටි දෙක කිව්වාට කමක් නෑ.“
“මේවා කියලා වැට් පනත හීන් සීරුවේ සම්මත කරගන්නයි හදන්නයි. ජනතාව විනාශ කරන මේ බදු බර උසාවි නියෝගයකින් නතර කළාට අද ඒක නැවත සම්මත කරගන්න හදනවා. මම කියනවා බයිලා කිය කියා කවි කිය කියා උඩ පැන්නත් ඒ අයට පොඩි වචනයක් ගැන ප්‍රශ්නයක් කරගන්න එපා කියලා. මේක සංගණනයක් නෙමෙයි. අපි පාද යාත්‍රාව ගිහින් ඉවරයි. නමුත් යූඇන්පිය ඒක කරේ තියාගෙන තවම යනවා.“ යැයි ද ඇය සඳහන් කළාය.
එම වීඩියෝව පහතින් නරඹන්න
COMMENTS