ශ්‍රී ලංකා බාල දක්ෂිකා සංගමයේ ආබාධිත සංගමය මගින් තෙවැනි වරට පවත්වනු ලබන බාල දක්ෂිකා කදවුර උතුරු පළාත් ආණ්ඩුකාර රෙජිනෝල්ඩ් කුරේ මහතාගේ සහභා...
ශ්‍රී ලංකා බාල දක්ෂිකා සංගමයේ ආබාධිත සංගමය මගින් තෙවැනි වරට පවත්වනු ලබන බාල දක්ෂිකා කදවුර උතුරු පළාත් ආණ්ඩුකාර රෙජිනෝල්ඩ් කුරේ මහතාගේ සහභාගීත්වයෙන් යාපනය කයිතඩි නෆීර් පාසලේදී ඊයේ (31) ආරම්භ වූ අතර එය මෙම මස 04 වැනිදා දක්වා පැවැත්වේ.
එහි සාමාරම්භක දිනය සනිටුහන් කරමින් උතුරු පළාත් ආණ්ඩුකාරවරයා ප්‍රධාන ආරාධිත අමුත්තා ලෙස සහභාගීවූ අතර මෙම බාල දක්ෂිකා කදවුරට උතුරු, දකුණු, නැගෙනහිර, බටහිර යන පළාත්වල සිටින විශේෂ අවශ්‍යතා සහිත බාල දක්ෂිකාවන් 190 ක් ඇතුළුව සියලුම බාල දක්ෂිකාවන් 250ක් පමණ සහභාගී විය.
මෙම විශේෂිත ළමුන් සදහා ඔවුන් රැක බලාගන්නේ කෙසේද? ආහාරපාන ලබා දෙන්නේ කෙසේද? ඔවුන්ට සංවේදීව කටයුතු කරන්නේ කෙසේද? ඔවුන් ක්‍රියාශීලීව කටයුතු කරවන්නේ කෙසේද?යන්න පිලිබදව ඔවුන්ගේ දෙමවුපියන්, වැඩිහිටියන් දැනුවත් කිරීමේ වැඩසටහනක් ද යාපනය දිස්තික්කයේ සිටින විශේෂ වෛද්‍යවරු පිරිසකගේ සහභාගිත්වයෙන් සිදු කරනු ලබන අතර පසුදින ක්‍රියාකාරකම් දිනයක් ලෙස නම් කර තිබිණ.
එබැවින් යාපනය නගරයේ ඇති සුවිශේෂ ස්ථාන හා නගරයේ අලංකාරිත්වය නැරඹීමට ඔවුන් රැගෙන යාමක් ද ඔවුන්ගේ දක්ෂතා එලි දැක්වීමට හැකි අයුරින් රාතී‍්‍ර ගිනිමැළ සංදර්ශනයක් ද සංවිධානය කර තිබේ.
මෙම උත්සවයේදී අදහස් දැක්වූ උතුරු පළාත් ආණ්ඩුකාරවරයා කියාසිටියේ මෙවැනි විශේෂ අවශ්‍යතා සහිත අසරණ ළමුන් සදහා මෙවනි කදවුරක් පැවැත්වීම තුලින් ඔවුන්ගේ දක්ෂතා එලි දැක්වීමටත් ඔවුන්ගේ කුසලතා වර්ධනය කර ගැනීමටත් මහත් පිටිවහලක් වන බවයි.
තවද මොවුන් අප විසින් ආදරයෙන් රැකබලා ගත යුතු බවත් ශ්‍රී ලංකාවාසීන්ට පමණක් නොව සියලු ලෝ වැසියන්ට කිසිම ආත්මයක මෙවැනි තත්ත්වයක් උදා නොවේවායි ප්‍රර්ථනා කළ යුතු බවත් ආණ්ඩුකාරවරයා ප්‍රකාශ කළේය.
ඡායාරූප පහතින්.
COMMENTS