'වාහන බලපත්‍රය මෙවරත් නෑ' - ලංකා ගුරු සංගමය

1998 වසරේ සිට ශී‍්‍ර ලංකා විදුහල්පති සේවයේ නිලධාරීන්ට අහිමි කරන ලද තීරුබදු රහිත වාහන බලපත‍්‍රය නව චක‍්‍රලේඛයෙන් ද ලබා දී නොමැති බව ලංකා ගු...

විදුලි බිල 500%කින් වැඩි කරන්නැයි දන්වයි..

කුඩා පක්ෂයකට ඡන්දය සලකුණු කලාම මන්ත‍්‍රී ධූර පොහොට්ටුවට ලැබෙන අරුම පුදුම ඡන්ද ක‍්‍රමයක් හදලා…

ජනතාව කැරලි ගැසීමට සැරසෙනවා.. තත්වය ඉතාම බරපතලයි..

1998 වසරේ සිට ශී‍්‍ර ලංකා විදුහල්පති සේවයේ නිලධාරීන්ට අහිමි කරන ලද තීරුබදු රහිත වාහන බලපත‍්‍රය නව චක‍්‍රලේඛයෙන් ද ලබා දී නොමැති බව ලංකා ගුරු සංගමය ප්‍රකාශ කරයි.

ඔවුන් ඒ සම්බන්ධයෙන් ජනාධිපතිවරයාගෙන් ලිඛිත ඉල්ලීමක් කරමින් ඉල්ලා සිටින්නේ අහිමි කරන ලද එම වරප්‍රසාදය විදුහල්පතිවරුන්ට නැවත ලබාදෙන ලෙසයි 

එම නිවේදනය පහතින්,

රජයේ නිලධාරීන්ට තීරුබදු රහිත වාහන බලපත‍්‍ර ලබාදීම සම්බන්ධයෙන් 2016.07.16 දිනැති 01/2016 අංකයෙන් චක‍්‍රලේඛයක් නිකුත් කර ඇති අතර එම චක‍්‍රලේඛයෙන් ද ශී‍්‍ර ලංකා විදුහල්පති සේවයේ නිලධාරීන්ට තීරුබදු රහිත වාහන බලපත‍්‍ර හිමිකම ලබා දී නැත.

ශී‍්‍ර ලංකා විදුහල්පති සේවයේ නිලධාරීන් 6/2006 චක‍්‍රලේඛයට අනුව මාණ්ඩලික ශ්‍රේණියට ඇතුළත් කොට ඇත. මාණ්ඩලික ශ්‍රේණියට අදාළව රාජකාරී කටයුතු ඉටු කරවා ගත්තද මාණ්ඩලික සේවයේ නිලධාරීන්ට ලබාදෙන තීරුබදු රහිත වාහන හිමිකම විදුහල්පතිවරුන්ට නොමැතිවීම කනගාටුදායක තත්වයකි. 1998 වසර දක්වාම ශී‍්‍ර ලංකා විදුහල්පති සේවයේ නිලධාරීන්ට මෙම වරප‍්‍රසාදය හිමි වූ අතර, අනතුරුව එම වරප‍්‍රසාදය අහිමි කොට ඇත.

ශී‍්‍ර ලංකා විදුහල්පති සේවයට අහිමි කරන ලද මෙම තීරුබදු රහිත වාහන බලපත් හිමිකම ලබාදෙන ලෙසට දිගින් දිගටම අප විසින් ඉල්ලීම කළ ද 01/2016 චක‍්‍රලේඛයෙන් ද අහිමි කරන ලද එම අවස්ථාව ලබාදී නැත. මේ තත්ත්වය පිළිබඳව ලංකා ගුරු සංගමය ජනාධිපතිවරයාගෙන් ලිඛිත ඉල්ලීමක් කර ඇති අතර, අහිමි කරන ලද එම වරප‍්‍රසාදය විදුහල්පතිවරුන්ට නැවත ලබාදෙන ලෙස ඉල්ලා සිටිමු.