පොලීසියේ නම වෙනස් කරයි

පොලිස් සේවය " ශ්‍රී ලංකා පොලීසිය" යන නිල නාමයෙන් හැඳින්වීමට කැබිනට් අනුමැතිය හිමිව තිබේ. ශ්‍රී ලංකාවේ 'පොලිසිය' එක් එක්...

නෙවිල් ප්‍රනාන්දු රෝහලේ විස්තරාත්මක ගිවිසුම අත්සන් කිරීමෙන් පසු පනතක් ලෙස පාර්ලිමේන්තුවට.

රාජ්‍ය ඇමැතිවරු ස්වාධීන වීමට යයි.

පැණි බීම වර්ග සඳහා බදු වැඩිවෙන හැටි.

පොලිස් සේවය " ශ්‍රී ලංකා පොලීසිය" යන නිල නාමයෙන් හැඳින්වීමට කැබිනට් අනුමැතිය හිමිව තිබේ.

ශ්‍රී ලංකාවේ 'පොලිසිය' එක් එක් කාලවකවානුවලදී විවිධ නාමයන්ගෙන් හඳුන්වනු ලැබ තිබේ. 1865 අංක 16 දරන පොලිස් ආඥාපනත හා පොලිස් දෙපාර්තමේන්තුවේ නියෝග යටතේ එය 'ශ්‍රී ලංකා පොලිස් බලකාය' වශයෙන්ද, 1945න් පසු 'ශ්‍රී ලංකා පොලිස් දෙපාර්තමේන්තුව' වශයෙන්ද හඳුන්වනු ලැබ ඇති අතර, 1972 වර්ෂයේ සිට 'ශ්‍රී ලංකා පොලිස් සේවය' ලෙස හඳුන්වනු ලැබේ. 

ශ්‍රී ලංකා පොලිස් දෙපාර්තමේන්තුව, සිය 150 වන සංවත්සරය මෙම වසරේදී සමරනු ලබන අතර, ඒ අනුව එම දෙපාර්තමේන්තුව හැඳින්වීම සඳහා සම්මත නාමයක් යොදා ගැනීමේ අවශ්‍යතාව සැලකිල්ලට ගෙන, ඒ සඳහා 'ශ්‍රී ලංකා පොලිසිය' යන නාමය මින් ඉදිරියට භාවිත කිරීම පිණිස නීතිය හා සාමය සහ දක්ෂිණ සංවර්ධන අමාත්‍ය සාගල රත්නායක මහතා ඉදිරිපත් කළ යෝජනාව අමාත්‍ය මණ්ඩල අනුමැතිය හිමිව ඇත.