ජනතාව මත බදු බර පටවමින් ඔවුන් පීඩාවට පත්කරන වත්මන් ආණ්ඩු පක්ෂයට සහ විපක්ෂයට රට ගොඩනැගිය නොහැකි බවත් හැකි ඉක්මනින්ම රටට වෙනසක් අවශ්‍යය බවත්...
ජනතාව මත බදු බර පටවමින් ඔවුන් පීඩාවට පත්කරන වත්මන් ආණ්ඩු පක්ෂයට සහ විපක්ෂයට රට ගොඩනැගිය නොහැකි බවත් හැකි ඉක්මනින්ම රටට වෙනසක් අවශ්‍යය බවත් ජනතා විමුක්ති පෙරමුණේ පාර්ලිමේන්තු මන්ත්‍රී බිමල් රත්නායක මහතා ප්‍රකාශ කරයි.
ඒ මහතා මේ බව ප්‍රකාශ කළේ ඊයේ (07)'ණයබර, බදුබර සහ බිඳවැටෙන ආර්ථිකය' මැයෙන් ජනතා විමුක්ති පෙරමුණේ බද්දේගම ආසන බල මණ්ඩලය සංවිධානය කර තිබූ සම්මන්ත්‍රණ මාලාවේ වදුරඹ නගර ශාලා රැස්වීමේ දීය.
එහිදී අදහස් දැක්වූ ඒ මහතා, "මේ දෙගොල්ලොටම රට හදන්න බෑ. වෙනසක් අවශ්‍ය වෙනවා. නාස්තිය දුෂණය නැති කරන්න මොවුන්ට බෑ. ජනතා විමුක්ති පෙරමුණේ ප්‍රතිපත්තිය නාස්තිය දුෂණය නැතිකර මහා පරිමාන ධනවතුන්ගෙන් බදු ලබාගෙන දුප්පත් ජනතාව බදුවලින් නිදහස් කිරීමයි. එත් දැන් එකේ අනිත් පැත්තවෙලා තියෙන්නේ." යි කියාසිටියේය.
වැඩිදුරටත් අදහස් දැක්වූ මන්ත්‍රීවරයා, "මේ පක්ෂ දෙකටම රට ගොඩනගන්න බෑ. මේ දේශපාලන නායකයෝ ජරා ජීරණය වෙලා. නාස්තිය දුෂණය මේ දෙගොල්ලොන්ගෙම තියෙනවා. ඇට දිරපු මොනරාගල ඇමති කෙනකුට සුඛෝපභෝගී වාහනයක් නැතිව යන්න බැරිලු. මොනරාගල ඉතාම දුගී දුෂ්කර දිස්ත්‍රික්කයක්. එහෙන් අවුරුදු පහළොවක ඉදලා පාර්ලිමේන්තුවේ ඉන්න ඇමතිලා බලන්නේ ඒ මිනිසුන්ගේ දුක නොවෙයි. ඔවුන්ගේ වාසියයි.
නාස්තිය ඉහවහා ගියපු යුගය අවසාන නැහැ. මහින්ද රාජපක්ෂලාගේ කාලය වගේම මේ පාලනයේත් නාස්තිය දුෂණය තියෙනවා. ඒ කාලෙත් මේ කාලෙත් වෙනසක් තිබේද ? මොරගහකන්ද උත්සවයට හාමුදුරුවරු දහසක් වැඩමවා පිරිත් කිව්වා. විසිපන්දාහක් සෙනඟ ගෙනගියා. මේවාට කොපමණ වියදම් යනවාද. මේකට හාමුදුරුවන් දහසක් ඕනෙද? ඇයි හාමුදුවරුන් කිහිප නමක් වැඩමුවාම අඩුවක් වෙනවාද?. මේ දෙගොල්ලම ඒකයි. අපි ඇමතිකම් දරපු කාලයේ අපි දෙන්න උත්සව වලට ගියේ කැබ් එකක. ඒ යනකොට අමාත්‍යාංශයේ නිලධාරින් ලොකු වාහන වලින් අපිත් එක්ක එතනට යනකොට කැමරා මානගත් අයත් මිනිස්සුත් දුවන්නේ අර ලොකු වාහන ලඟට. අපි ගිහින් පිත්ත පිටි කපලා එතන වැඩේ පටන් ගත්තම තමයි එයාල අපි ලඟට ඇවිත් කතා කරන්නේ. ඔවුන්ට වැරදුනා. නැවත පිත්තපටි කපන්න වගේ ඉන්න කියලා. මෙහෙම ටික දවසක් යනකොට නිලධාරිනුත් එක වාහනයක කට්ටියම ගිහින් හවස අමාත්‍යාංශයට ඇවිත් වැඩකලා. අපි ඔවුන්ට බැන්නේ නැහැ. ආදර්ශයෙන් කටයුතු කළා පමණයි"යි පැවසීය.
ගාල්ල - ලලිත් චාමින්ද
COMMENTS