පොලිස් නිලධාරින්ගේ රාජකාරියට බාධා කිරිම සම්බන්දයෙන් දක්ෂිණ ලංකා අධිවේගි මාර්ගයේ ගාල්ල සිට කඩුවෙල දක්වා ධාවනය වන සුඛෝපභෝගි බස් රථයක රියදුරු...
පොලිස් නිලධාරින්ගේ රාජකාරියට බාධා කිරිම සම්බන්දයෙන් දක්ෂිණ ලංකා අධිවේගි මාර්ගයේ ගාල්ල සිට කඩුවෙල දක්වා ධාවනය වන සුඛෝපභෝගි බස් රථයක රියදුරු, කොන්දොස්තර ඇතුළු මගින් පස්දෙනෙකු ගාල්ල වරයා පොලිසිය මගින් ඊයේ (14) පස්වරුවේදි අත්අඩංගුවට ගෙන ඇත.
අත්අඩංගුවට පත්වු එක් මගියකු බීමතින් සිට ඇති බව පොලිස් පරික්ෂණ වලදි අනාවරණය වි ඇත. මෙම සුඛෝපභෝගි බස් රථය ගාල්ලේ සිට කඩුවෙල බලා ධාවනය වෙමින් තිබියදි රියදුරු බඳපටි පැළද නොසිටිනු දැක මාගාල්ල ප්‍රදේශයේ මාර්ග රාජකාරියේ යෙදි සිටි රථවාහන අංශයේ පොලිස් නිළධාරින් විසින් බස් රථය නතර කරන ලෙස අත දමා තිබේ.
නමුත් බස් රථය නොනවත්වා ධාවනය වි ඇති අතර පොලිස් නිලධාරින් බස් රථය පසුපස හඹාගොස් බසය නතරකරගෙන ඇත. පසුව බසයේ රියදුරු, කොන්දස්තරවරයා හා මගින් පස් දෙනෙකු බසයෙන් බැස පැමිණ තිබේ. එහිදි තමන්ට ඉක්මන්ට යාමට අවශ්‍ය බව පවසමින් පොලිස් නිලධාරින්ගේ රාජකාරියට බාධාකොට පොලිස් යතුරුපැදියටද පා පහරවල් එල්ලකොට යාමට උත්සාහ කොට ඇති අතර එම අවස්ථාවේදී දෙවට ප්‍රදේශයේ ජනතාව එක්වී බසය නතර කර ගෙන තිබේ.
පසුව බසයේ රියදුරු, කොන්දොස්තර හා මගින් පස් දෙනෙකු ඇතුළු හත් දෙනෙකු බස් රථය සමග ගාල්ල වරාය පොලිසිය මගින් අත්අඩංගුවට ගෙන ඇත. මොවුන් අද (15) ගාල්ල අධිකරණය වෙත ඉදිරිපත් කිරිමට නියමිතව තිබුණි.
ගාල්ල වරාය පොලිසියේ ස්ථානාධිපති මේෂාන් සිල්වා මහතාගේ මෙහෙයවිමට යටතේ පරික්ෂණ පැවැත්වේ.
ගාල්ල - ලලිත් චාමින්ද
COMMENTS