එන්නතෙන් පසු රෝගියා සෙම දාගෙන මිය යයි – සෙෆ්ටාසිඩීම් එන්නත ගම්පහ රෝහලේ අත්හිටුවයි

එන්නතක් විස වීම හේතුවෙන් ගම්පහ රෝහලේදී මරණයට පත් වූයේ යැයි කියන රෝගියා පිළිබඳ අද (14) සිදු කරන පරීක්ෂණයෙන් පසුව සෙෆ්ටාසිඩීම් එන්නත රට පුරා...

ශ්‍රීලනිපය ඡන්දෙට එන්නේ හංසයාගෙන්ද? - එස්.බීගෙන් පිළිතුරක් 

කෝටිපති ඝාතනය: කොළඹ සිට මාවනැල්ල දක්වා CCTV පරීක්ෂාව ඇරඹේ

අධිවේගයේ අනතුරුවලින් 3ක් මරුට

එන්නතක් විස වීම හේතුවෙන් ගම්පහ රෝහලේදී මරණයට පත් වූයේ යැයි කියන රෝගියා පිළිබඳ අද (14) සිදු කරන පරීක්ෂණයෙන් පසුව සෙෆ්ටාසිඩීම් එන්නත රට පුරා රජයේ රෝහල්වලින් ඉවත් කරන්නේ ද, නැතිද යන්න තීරණය කරන බව නියෝජ්‍ය අධ්‍යක්ෂ ජනරාල් (වෛද්‍ය සේවා) විශේෂඥ වෛද්‍ය ජී. විජේසූරිය මහතා ඊයේ (13) පැවසුවේය.

මෙම සිද්ධියෙන් පසුව ගම්පහ රෝහලේ තිබූ එන්නත් තාවකාලිකව නතර කළ බව ද ඒ මහතා ප්‍රකාශ කළේය.ගම්පහ දිස්ත්‍රික් මහ රෝහලේ ශල්‍ය වාට්ටුවේ අංක 07 හි රෝගියකු සෙෆ්ටාසිඩීම් (ceftazidime) එන්නත ලබා දී මිනිත්තු 5කට පසු ඇද වැටී ඇති අතර පසුව රෝගියා මිය ගොස් ඇති බවට වාර්තා වේ.

මෙම රෝගියාට එම එන්නතෙහිම මාත්‍රා දහයක් ලබා දී ඇති අතර සංකූලතා වාර්තා වී ඇත්තේ 11 වැනි මාත්‍රාව ලබාදීමේදීය.

ඒ අනුව රෝහල් අධ්‍යක්ෂවරයාගේ උපදෙස් පරිදි එම ප්‍රතිජීවක එන්නත් කාණ්ඩය තාවකාලිකව රෝහල තුළ අත්හිටුවා ඇත.

දිනමිණ