1948 - 2005 දක්වාම ණය බිලියන 2226 යි, මේ ආණ්ඩුව 2020දී පමණක් බිලියන 2272ක් ණය අරන් ! - හඳුන්

2020 මහබැංකු වාර්තාව අනුව ආණ්ඩුව එම වසර තුළ පමණක් රුපියල් බිලියන 2272ක් ණය ලබාගෙන ඇති බව ජනතා විමුක්ති පෙරමුණේ හිටපු පාර්ලිමේන්තු මන්ත්‍රී...

ෆයිසර් එන්නත ගැන විද්‍යානුකූල සැකයක්.. විකල්ප එන්නත් ගේන්න - තිස්ස විතාරණ

‘මිලේනියම් සිටි’ හමුදා බුද්ධි නිලධාරීන් අත්අඩංගුවට ගැනීම නීති විරෝධී ක්‍රියාවක් නොවේ - ෆොන්සේකා

සල්ලි දී ගත් සීඅයිසී කාබනික පොහොරවල වීදුරු කටු සහ කටු කම්බි… ලබන කන්නෙ කුඹුරට බහින්න බෑ!

2020 මහබැංකු වාර්තාව අනුව ආණ්ඩුව එම වසර තුළ පමණක් රුපියල් බිලියන 2272ක් ණය ලබාගෙන ඇති බව ජනතා විමුක්ති පෙරමුණේ හිටපු පාර්ලිමේන්තු මන්ත්‍රී සුනිල් හඳුන්නෙත්ති මහතා පවසයි. 

"මේ 2020 මහබැංකු වාර්තාවෙ එහෙම්පිටින්ම තියෙන්නෙ මේ ආර්ථිකයේ කඩාවැටීම බිඳවැටීම සිද්ධ වීමට ප්‍රධාන හේතුව කොවිඩ් හැටියට. නමුත් ඇත්තටම කොරෝනා වසංගතයට අපි හරියට මුහුණ දෙමින් තියෙන්නෙ දැන්. ඒ වසංගතයට මුහුණ දෙන්න පුළුවන් ආර්ථිකයක් තවත් ඉතුරුවෙලා තියෙනවද කියන ප්‍රශ්නය පැන නඟිනවා මේ මහබැංකුව ඉදිරිපත් කරලා තියෙන තොරතුරු දත්ත විශ්ලේෂණය කරලා බැලුවාට පස්සෙ.

අවුරුද්දක් ඇතුළත පමණක් බිලියන 2272කින්, රුපියල් කෝටි දෙලක්ෂ විසි හත්දාහකින් රටේ ණය පංගුව වැඩිකරලා තියෙනවා. 1948 ඉඳලා 2005 දක්වා බිලියන 2226යි, හැබැයි 2020 අවුරුද්දෙ විතරක් ආන්ඩුව බිලියන 2272ක ණය අරගෙන තියෙනවා. අද පැයකට රුපියල් කෝටි 25ක් ණය ගන්න තත්වයේ ආණ්ඩුවක් තමයි තියෙන්නෙ. රටේ සංවර්ධනයට යොදවන්න තිබිච්ච මුදල්, රටේ ජනතාවගේ නිෂ්පාදන ක්‍රියාවලියට යොදවන්න තිබිච්ච මුදල් අවසානයේ ආණ්ඩුවේ පැවැත්ම වෙනුවෙන් ණය අරගෙන තියෙනවා. 

එනිසා අද ආණ්ඩුව කියනවා නම් අපට මේකට මුහුන දෙන්න පුළුවන් ආර්ථිකයක් හදාගන්න ඕනෙ කියලා, අද වෙනකොට අපට පේන්නෑ එහෙම ආර්ථිකයක් හදාගන්න තියා හිතන්නවත් පුළුවන් මට්ටමක තියෙනවා කියලා" යනුවෙනුයි ඒ මහතා සඳහන් කළේ. 

සුනිල් හඳුන්නෙත්ති මහතා මේ බව පැවසුවේ ඊයේ (09) ජනතා විමුක්ති පෙරමුණ විසින් පැවැත්වූ මාධ්‍ය හමුවක් අමතමිනි.