තම සැමියාගේ අතුරුදන්වීම සඳහා බලපෑවේ 2010 වසරේ පැවැති ජනාධිපතිවරණයට විපක්‍ෂයේ පොදු අපේක්‍ෂකයා ලෙස ඉදිරිපත්වූ ජෙනරාල් සරත් ෆොන්සේකා මහතාගේ ප...
තම සැමියාගේ අතුරුදන්වීම සඳහා බලපෑවේ 2010 වසරේ පැවැති ජනාධිපතිවරණයට විපක්‍ෂයේ පොදු අපේක්‍ෂකයා ලෙස ඉදිරිපත්වූ ජෙනරාල් සරත් ෆොන්සේකා මහතාගේ ප‍්‍රචාරක ව්‍යාපාරයට ඔහු කි‍්‍රයාකාරීව සහය ලබාදීම බවට තමන් දැඩිව විශ්වාස කරන්නේ යැයි මාධ්‍යවේදී ප‍්‍රගීත් එක්නැලිගොඩ මහතාගේ බිරිඳ වන සන්ධ්‍යා එක්නැලිගොඩ මහත්මිය පසුගිය 2වනදා කොළඹ විශේෂ ත්‍රිපුද්ගල මහාධිකරණය හමුවේදී සාක්‍ෂි දෙමින් ප‍්‍රකාශ කර තිබේ.
සිය සැමියා ජීවත්ව සිටින බවට විවිධ පුද්ගලයන් විවිධ මත ප‍්‍රකාශ කර ඇතත් 2010.01.24 වැනිදා අතුරුදන්වූ සිය සැමියා ජීවත්ව සිටින බවට අංශු මාත‍්‍රයක හෝ හෝඩුවාවක් තමන්ට මේ දක්වා ලැබී නැතැයිද පැමිණිල්ල මෙහෙයවන නියෝජ්‍ය සොලිසිටර් ජනරාල් දිලීප පීරිස් මහතාගේ මෙහෙයවීම යටතේ සාක්‍ෂි ලබාදෙමින් පැවසා ඇති සන්ධ්‍යා එක්නැලිගොඩ මහත්මිය එකී කරුණ නිසාම විරුද්ධ බලධාරීන්ගේ ඝාතන ලැයිස්තුවට තමාගේ නමත් ඇතුළත් කර ඇති බව දැනගන්නට ලැබී ඇති බව ඔහු තමාට ප‍්‍රකාශ කළේ යැයිද විනිසුරු මඩුල්ලට පෙන්වා දී ඇත.
ඔහු අතුරුදන්වීමට දින හතරකට පෙර එලෙස තමාට ප‍්‍රකාශ කළ බවද සම්පත් අබේකෝන්, සම්පත් විජේරත්න හා ගිහාන් කුලතුංග යන ති‍්‍රපුද්ගල විනිසුරු මඩුල්ල හමුවේදී සන්ධ්‍යා එක්නැලිගොඩ මහත්මිය ප‍්‍රකාශ කර තිබේ. සිය සැමියාගේ අතුරුදන්වීම සම්බන්ධයෙන් ඔහු අතුරුදන්වූ දිනට පසුදින හෝමාගම පොලිසියට ගිය අවස්ථාවේදී එහි ස්ථානාධිපතිවරයා ලෙස කටයුතු කළ ජයසුන්දර නමැති නිලධාරියා තමා අමතමින් “දැන් සමහරුන් ජනප්‍රිය වෙන්න අතුරුදන් වෙනවනේ, ඔයා ගෙදර ගිහින් බලන්න මේකත් ඒ වගේ අතුරුදන්වීමක් වෙන්නැති” කියා තමාට ප‍්‍රකාශ කළ බවද අධිකරණයට පෙන්වා දී ඇත. එකී විමර්ශන කටයුතු පසුව කොළඹ අපරාධ කොට්ඨාසයට මාරු කළ බවත් එකී විමර්ශනවල තත්වය පිළිබඳ සොයා බැලීමට තමා එහි ගිය අවස්ථාවේදී සාස්තරයක් බලා සිය සැමියාගේ අතුරුදන්වීම ගැන තොරතුරු දැනගන්නා ලෙසට එම කොට්ඨාසයේ සේවය කළ උප පොලිස් පරීක්‍ෂක හේමන්ත නමැති නිලධාරියා ප‍්‍රකාශ කළ බවත් අධිකරණයට පෙන්වා දී තිබේ.
සාක්‍ෂිකාරියගේ සැමියා ඝාතන ලැයිස්තුවට ඇතුළත් කර ඇති බව ඔහු ප‍්‍රකාශ කළේ එලෙස අතුරුදන්වීමට කොපමණ කලකට පෙරදැයි පැමිණිල්ල මෙහෙයවන නියෝජ්‍ය සොලිසිටර් ජනරාල් දිලීප පීරිස් මහතා එහිදී සාක්‍ෂිකාරියගෙන් විමසීමට උත්සාහ කළ අවස්ථාවේදී විත්තිය වෙනුවෙන් පෙනී සිටි ජනාධිපති නීතිඥ අනිල් සිල්වා මහතා එකී ප‍්‍රශ්නය ඇසීමට අවසර ලබාදීම සම්බන්ධයෙන් නෛතික විරෝධතාවයක් ඉදිරිපත් කර ඇතත් දෙපාර්ශ්වය විසින් ඉදිරිපත් කරන ලද කරුණු සලකා බැලූ විනිසුරු මඩුල්ල විත්තියේ විරෝධතාවය ප‍්‍රතික්ෂේප කර නියෝජ්‍ය සොලිසිටර් ජනරාල්වරයාට එම ප‍්‍රශ්නය ඇසීමට අවසර ලබා දී ඇත.
ඒ. ජේ. ඒ. අබේනායක – දිවයින
සිය සැමියා ජීවත්ව සිටින බවට විවිධ පුද්ගලයන් විවිධ මත ප‍්‍රකාශ කර ඇතත් 2010.01.24 වැනිදා අතුරුදන්වූ සිය සැමියා ජීවත්ව සිටින බවට අංශු මාත‍්‍රයක හෝ හෝඩුවාවක් තමන්ට මේ දක්වා ලැබී නැතැයිද පැමිණිල්ල මෙහෙයවන නියෝජ්‍ය සොලිසිටර් ජනරාල් දිලීප පීරිස් මහතාගේ මෙහෙයවීම යටතේ සාක්‍ෂි ලබාදෙමින් පැවසා ඇති සන්ධ්‍යා එක්නැලිගොඩ මහත්මිය එකී කරුණ නිසාම විරුද්ධ බලධාරීන්ගේ ඝාතන ලැයිස්තුවට තමාගේ නමත් ඇතුළත් කර ඇති බව දැනගන්නට ලැබී ඇති බව ඔහු තමාට ප‍්‍රකාශ කළේ යැයිද විනිසුරු මඩුල්ලට පෙන්වා දී ඇත.
ඔහු අතුරුදන්වීමට දින හතරකට පෙර එලෙස තමාට ප‍්‍රකාශ කළ බවද සම්පත් අබේකෝන්, සම්පත් විජේරත්න හා ගිහාන් කුලතුංග යන ති‍්‍රපුද්ගල විනිසුරු මඩුල්ල හමුවේදී සන්ධ්‍යා එක්නැලිගොඩ මහත්මිය ප‍්‍රකාශ කර තිබේ. සිය සැමියාගේ අතුරුදන්වීම සම්බන්ධයෙන් ඔහු අතුරුදන්වූ දිනට පසුදින හෝමාගම පොලිසියට ගිය අවස්ථාවේදී එහි ස්ථානාධිපතිවරයා ලෙස කටයුතු කළ ජයසුන්දර නමැති නිලධාරියා තමා අමතමින් “දැන් සමහරුන් ජනප්‍රිය වෙන්න අතුරුදන් වෙනවනේ, ඔයා ගෙදර ගිහින් බලන්න මේකත් ඒ වගේ අතුරුදන්වීමක් වෙන්නැති” කියා තමාට ප‍්‍රකාශ කළ බවද අධිකරණයට පෙන්වා දී ඇත. එකී විමර්ශන කටයුතු පසුව කොළඹ අපරාධ කොට්ඨාසයට මාරු කළ බවත් එකී විමර්ශනවල තත්වය පිළිබඳ සොයා බැලීමට තමා එහි ගිය අවස්ථාවේදී සාස්තරයක් බලා සිය සැමියාගේ අතුරුදන්වීම ගැන තොරතුරු දැනගන්නා ලෙසට එම කොට්ඨාසයේ සේවය කළ උප පොලිස් පරීක්‍ෂක හේමන්ත නමැති නිලධාරියා ප‍්‍රකාශ කළ බවත් අධිකරණයට පෙන්වා දී තිබේ.
සාක්‍ෂිකාරියගේ සැමියා ඝාතන ලැයිස්තුවට ඇතුළත් කර ඇති බව ඔහු ප‍්‍රකාශ කළේ එලෙස අතුරුදන්වීමට කොපමණ කලකට පෙරදැයි පැමිණිල්ල මෙහෙයවන නියෝජ්‍ය සොලිසිටර් ජනරාල් දිලීප පීරිස් මහතා එහිදී සාක්‍ෂිකාරියගෙන් විමසීමට උත්සාහ කළ අවස්ථාවේදී විත්තිය වෙනුවෙන් පෙනී සිටි ජනාධිපති නීතිඥ අනිල් සිල්වා මහතා එකී ප‍්‍රශ්නය ඇසීමට අවසර ලබාදීම සම්බන්ධයෙන් නෛතික විරෝධතාවයක් ඉදිරිපත් කර ඇතත් දෙපාර්ශ්වය විසින් ඉදිරිපත් කරන ලද කරුණු සලකා බැලූ විනිසුරු මඩුල්ල විත්තියේ විරෝධතාවය ප‍්‍රතික්ෂේප කර නියෝජ්‍ය සොලිසිටර් ජනරාල්වරයාට එම ප‍්‍රශ්නය ඇසීමට අවසර ලබා දී ඇත.
ඒ. ජේ. ඒ. අබේනායක – දිවයින
COMMENTS