පසුගිය වසරේදී ඉහළම ලාබ ලැබූ ආයතන 25 න් 12 ක්ම බැංකු සහ ණය පහසුකම් ලබාදෙන මුල්‍ය ආයතන බවත් ඔවුන් කිසිදු නිෂ්පාදනයක් නොකර මෙතරම් ලාබ ලබන්නේ ක...
පසුගිය වසරේදී ඉහළම ලාබ ලැබූ ආයතන 25 න් 12 ක්ම බැංකු සහ ණය පහසුකම් ලබාදෙන මුල්‍ය ආයතන බවත් ඔවුන් කිසිදු නිෂ්පාදනයක් නොකර මෙතරම් ලාබ ලබන්නේ කෙසේද යන්න ගැටලුවක් බවත් පෙරටුගාමී සමාජවාදී පක්ෂයේ මධ්‍යම කාරක සභික දුමින්ද නාගමුව මහතා පවසනවා. නීත්‍යනුකූල මෙන්ම නීත්‍යනුකූල නොවන ආකාරයෙන් පිහිටුවා ඇති මුල්‍යායතන ජනතාවගේ මුදල් සූරාකමින් කටයුතු කරද්දී ආණ්ඩුවද ආසධාරණයට පත්වූවන් රවටමින් කටයුතු කරන බවයි නාගමුව මහතා පෙන්වා දෙන්නේ.
ලක්ෂ 04 ක මුදලකට ඉන්දියාවෙන් මෙරටට ගෙන්වන ත්‍රිරෝද රථය වරායෙන් එළියට පැමිණෙන විට ලක්ෂ 08 - 09 ක් පමණ වන බවත් එය පාරිභෝගිකයාගේ අයිතියට පත්වන විට ලක්ෂ 13 - 16 අතර ප්‍රමාණයක් වැයවන බවත් පෙන්වා දෙන නාගමුව මහතා පවසන්නේ එම මුදලින් වැඩිම ප්‍රතිශතයක් හිමිකර ගන්නේ ණය ලබාදෙන මුල්‍යායතන බවයි. මේ නිසා අදාල මුල්‍යායතනවන ණය පොලිය අඩු කිරීම අත්‍යවශ්‍ය බවත් ඒ සඳහා රජය සෘජුවම මැදිහත් වියයුතු බවත් ඔහු පෙන්වා දෙනවා.
මුල්‍යායතනයක හිමිකරුවන්ගේ පහරකෑමට ලක්ව මියගිය සුනිල් ජයවර්ධන මහතාට සාධාරණය ඉටුකිරීම වෙනුවෙන් පෙනී සිටින සංවිධාන කිහිපයක් විසින් කැඳවා තිබූ මාධ්‍ය හමුවකදී අදහස් දක්වමින් දුමින්ද නාගමුව මහතා මේ බව සඳහන් කළේය.
කොරෝනා වසංගත තත්වය හමුවේ ත්‍රීවිල් ඇතුළු සාමාන්‍ය ජනතාව විසින් භාවිතා කරන වාහන සඳහා ලබාගෙන ඇති ණය අයකර ගැනීම මාස හයකට අත්හිටුවා ඇති බවට රජය ප්‍රකාශ කරන නමුත් එම තීරණය ක්‍රියාවට නංවා නොමැති බව පවසන දුමින්ද නාගමුව මහතා සිදුව ඇත්තේ ණය ලබාගෙන ඇති පුද්ගලයන් මුල්‍යායතනවල පමණක් නොව රජයේ රැවටීමට ද ලක්ව ඇති බවද අවධාරණය කරනවා.
එසේම මාස හයකට ණය වාරික අත්හිටුවා තිබුණද ඒ සඳහා අය කරන පොලිය අත්හිටුවා නොමැති බවද ඒ හරහා මුල්‍යායතනවලට සුපුදුරු ලෙස සූරාකෑම සඳහා ආණ්ඩුව අවස්ථාව ලබා දී ඇති බව ද ඔහු පවසනවා. ආණ්ඩුව කළ යුත්තේ මාස හයක සහනයක් ලබාදෙන බව පවසා ජනතාව රැවටීම නොව මුල්‍යායතන විසින් හිතුමතේ අයකරණ ණය පොලිය අඩුකර ඒ හරහා ජනතාවට සහන ලබාදීම බව ද ඔහු අවධාරණය කරනවා.
උද්ඝෝෂකයන්ට බණ කීමට සූදානම් නැතැයි පවසමින් සාමකාමී උද්ඝෝෂණවල නිරත වන සංවිධානවල ප්‍රසිද්ධියේ චණ්ඩිකම් පෙන්වන ආරක්ෂක ලේකම්වරයාද මෙවැනි අකටයුතුකම් ඉදිරියේ නිහඬව සිටින බවත් ජනාධිපතිවරයාගේ නිවස අසල මහ දවල් ප්‍රසිද්ධියේ ඝාතන සිදුවෙද්දීත් ඔහු නිහඬව සිටින බවත් දුමින්ද නාගමුව මහතා පෙන්වා දෙනවා. චණ්ඩිකම් අවශ්‍ය වන්නේ පෑගෙන පොඩි මිනිසුන් වෙනුවෙන් නොව සමාජයේ සිදුවන අකටයුතුකම් වෙනුවෙන් බව ද ඔහු සිහිපත් කරයි.
ලක්ෂ 04 ක මුදලකට ඉන්දියාවෙන් මෙරටට ගෙන්වන ත්‍රිරෝද රථය වරායෙන් එළියට පැමිණෙන විට ලක්ෂ 08 - 09 ක් පමණ වන බවත් එය පාරිභෝගිකයාගේ අයිතියට පත්වන විට ලක්ෂ 13 - 16 අතර ප්‍රමාණයක් වැයවන බවත් පෙන්වා දෙන නාගමුව මහතා පවසන්නේ එම මුදලින් වැඩිම ප්‍රතිශතයක් හිමිකර ගන්නේ ණය ලබාදෙන මුල්‍යායතන බවයි. මේ නිසා අදාල මුල්‍යායතනවන ණය පොලිය අඩු කිරීම අත්‍යවශ්‍ය බවත් ඒ සඳහා රජය සෘජුවම මැදිහත් වියයුතු බවත් ඔහු පෙන්වා දෙනවා.
මුල්‍යායතනයක හිමිකරුවන්ගේ පහරකෑමට ලක්ව මියගිය සුනිල් ජයවර්ධන මහතාට සාධාරණය ඉටුකිරීම වෙනුවෙන් පෙනී සිටින සංවිධාන කිහිපයක් විසින් කැඳවා තිබූ මාධ්‍ය හමුවකදී අදහස් දක්වමින් දුමින්ද නාගමුව මහතා මේ බව සඳහන් කළේය.
කොරෝනා වසංගත තත්වය හමුවේ ත්‍රීවිල් ඇතුළු සාමාන්‍ය ජනතාව විසින් භාවිතා කරන වාහන සඳහා ලබාගෙන ඇති ණය අයකර ගැනීම මාස හයකට අත්හිටුවා ඇති බවට රජය ප්‍රකාශ කරන නමුත් එම තීරණය ක්‍රියාවට නංවා නොමැති බව පවසන දුමින්ද නාගමුව මහතා සිදුව ඇත්තේ ණය ලබාගෙන ඇති පුද්ගලයන් මුල්‍යායතනවල පමණක් නොව රජයේ රැවටීමට ද ලක්ව ඇති බවද අවධාරණය කරනවා.
එසේම මාස හයකට ණය වාරික අත්හිටුවා තිබුණද ඒ සඳහා අය කරන පොලිය අත්හිටුවා නොමැති බවද ඒ හරහා මුල්‍යායතනවලට සුපුදුරු ලෙස සූරාකෑම සඳහා ආණ්ඩුව අවස්ථාව ලබා දී ඇති බව ද ඔහු පවසනවා. ආණ්ඩුව කළ යුත්තේ මාස හයක සහනයක් ලබාදෙන බව පවසා ජනතාව රැවටීම නොව මුල්‍යායතන විසින් හිතුමතේ අයකරණ ණය පොලිය අඩුකර ඒ හරහා ජනතාවට සහන ලබාදීම බව ද ඔහු අවධාරණය කරනවා.
උද්ඝෝෂකයන්ට බණ කීමට සූදානම් නැතැයි පවසමින් සාමකාමී උද්ඝෝෂණවල නිරත වන සංවිධානවල ප්‍රසිද්ධියේ චණ්ඩිකම් පෙන්වන ආරක්ෂක ලේකම්වරයාද මෙවැනි අකටයුතුකම් ඉදිරියේ නිහඬව සිටින බවත් ජනාධිපතිවරයාගේ නිවස අසල මහ දවල් ප්‍රසිද්ධියේ ඝාතන සිදුවෙද්දීත් ඔහු නිහඬව සිටින බවත් දුමින්ද නාගමුව මහතා පෙන්වා දෙනවා. චණ්ඩිකම් අවශ්‍ය වන්නේ පෑගෙන පොඩි මිනිසුන් වෙනුවෙන් නොව සමාජයේ සිදුවන අකටයුතුකම් වෙනුවෙන් බව ද ඔහු සිහිපත් කරයි.
COMMENTS