සිංහල දෙමල හා මුස්ලිම් හැමෝගෙම හොදම නායකයා බවට පත්ව අද පත්ව ඉන්නේ කාදිනල්තුමා - කුමාර වෙල්ගම

මේ අර්බුදකාරී අවස්ථාවේදී කළුජුලියේ වගේ කුලප්පු වී කලකෝලාහල නොකර සාමකාමිව කටයුතු කර මේරට තවත් සිරියාවක් බවට පත්වීම වලකාලීම සැමදෙනාගේම වගකීම...

මේ අර්බුදකාරී අවස්ථාවේදී කළුජුලියේ වගේ කුලප්පු වී කලකෝලාහල නොකර සාමකාමිව කටයුතු කර මේරට තවත් සිරියාවක් බවට පත්වීම වලකාලීම සැමදෙනාගේම වගකීම යයි කළුතර දිස්ත්‍රික් පාර්ලිමේන්තු මන්ත්‍රී කුමාර වෙල්ගම පසුගියදා මතුගම දී පැවසීය. කුමාර වෙල්ගම එසේ පැවසුවේ මතුගම ශ්‍රි් සුදර්ශනාරාම විහාරස්ථානයේ දී පසුගියදා පැවති මතුගම හා අගලවත්ත ආසනයන්හි පලාත් පාලන ආයතනයන්හි පෙදුජන එක්සත් පෙරමුණෙහි පලාත් පාලන නියෝජිතයන්ගේ හමුවකදීය.
තවදුරටත් අදහස් දැක්වූ ඒ මහතා ,

මේ දිනවල රට තුළ උද්ගතව අැති අර්බුදකාරී අවස්ථාවේදී අප සැමදෙනා දේශපාලන වාසි ලබාගැනීමට උත්සාහ නොකර රට වෙනුවෙන් තීන්දු තීරණ ගත යුතුයි . ඇවිලෙන ගින්නට පිදුරු නොදමා ⁣මෙම ගින්න නිවා දැමීමට සියලුම වාදබේද පසකලා එක්ව සහයෝග⁣යෙන් කටයුතු කලයුතුයි .

අද සිංහල දෙමල හා මුස්ලිම් සැමදෙනාගේම හොදම නායකයා බවට පත්ව ඇත්තේ කාදිනල් තුමායි.එතුමා පාස්කු ඉරිදා ඛෙිදවාචකය සිදු වු පසු කිතුනු ජනතාවට පැවසුවේ කලහකාරී ලෙස හැසිරෙන්නේ නැතිව කිසිවකුට හිංසා පීඩාවක් සිදු නොකර සාමකාමිව කටයුතු කර ආරක්ෂාක අංශයන්ට අදාල කාර්ය ඉටුකිරීමට සහාය දක්වන ලෙසයි . එසේම එතුමා සැමවිටම ප්‍රකාශ කලේ ලොව බලවත් රටවල් මෙවැනි දේ තම අවි ආයුධ විකිණීමට වෙලදපලක් සකස් කරගැනීම සදහා සිදු කරනා බවයි

කුමාර ගම්මැද්ද