එ ජාප නායකයා තෝරා ගැනීමට ඡන්දයක් පැවැත්විය යුතුදැයි නැද්දැයි යන්න පිළිබදව කරන ලද ඡන්ද විමසුමකදී ඡන්දයක් අවශ්‍ය නැතැයි කියූ එජාප නායක රනිල් ...
එජාප නායකයා තෝරා ගැනීමට ඡන්දයක් පැවැත්විය යුතුදැයි නැද්දැයි යන්න පිළිබදව කරන ලද ඡන්ද විමසුමකදී ඡන්දයක් අවශ්‍ය නැතැයි කියූ එජාප නායක රනිල් වික්‍රමසිංහ පාර්ශවය පරදවා වැඩි ඡන්ද 52කින් ජය ගැනීමට සජිත් ප්‍රේමදාස පාර්ශවයට හැකි වී තිබේ.
ඊයේ (16) පස්වරුවේ සිරිකොත මන්දිරයේදී පවත්වන ලද එජාප මන්ත්‍රී කණ්ඩායම් රැස්වීමේදී එජාප නායකයා තෝරා ගැනීම සඳහා ඡන්දයක් පැවැත්විය යුතු බවට සජිත් පාර්ශවය කළ යෝජනාවට රනිල් වික්‍රමසිංහ මහතා ඇතුළු එම පාර්ශවය අකමැත්ත ප්‍රකාශ කර ඇත.
එසේ නම් ඡන්දයක් පැවැත්විය යුතුදැයි නැද්දැයි යන්න පිළිබඳව තීරණය කිරීමට ඡන්දයක් පැවැත්විය යුතු බවට හර්ෂණ රාජකරුණා මන්ත්‍රීවරයා කළ යෝජනාවට අනුව මෙම ඡන්ද විමසීම පැවැත්වී ඇත.
එහිදී රනිල් වික්‍රමසිංහ, වජිර අබේවර්ධන, ආශු මාරසිංහ ඇතුළු මන්ත්‍රීවරුන් 13 දෙනෙකු ශාලාවෙන් ඉවත්ව යද්දී මන්ත්‍රීවරුන් 52ක් අතරේ පවත්වන ලද ඡන්ද විමසීමේදී ඔවුන් සියලු දෙනාම ඡන්දයක් පැවැත්විය යුතු බවට එකඟතාව පලකර ඇත.
මන්ත්‍රිවරුන් 65 දෙනෙකු සහභාගී වූ මෙම රැස්වීමේදී මන්ත්‍රීන් 52ගේ එකඟතාව පළවීම නිසා එජාප නායකත්වයට සජිත් ප්‍රේමදාස මහතා තෝරා ගතයුතු බවට රංජිත් මද්දුමබණ්ඩාර මහතා කළ යෝජනාව හරීන් ප්‍රනාන්දු මන්ත්‍රීවරයා විසින් ස්ථීර කළ බව එජාප ඡේ‍යෂ්ඨ ප්‍රකාශකයකු සදහන් කළේය.
එමෙන්ම එජාප නායකත්වය පිළිබඳව අවසන් තීරණයක් ගැනීම සඳහා පැවැති එජාප මන්ත්‍රි කණ්ඩායම් රැස්වීම දැඩි කලබලකාරී තත්ත්වයන් මැද විසඳුමකින් තොරව අවසන් වූ බවද ආරංචිමාර්ග පවසයි.
පක්ෂ නායකත්වය පිළිබඳව අවසන් තීරණයක් ගැනීම සඳහා රනිල් වික්‍රමසිහ, සජිත් ප්‍රේමදාස හා කරු ජයසූරිය මහත්වරුන් ලබන සිකුරාදා රැස්වීමට තීරණය වූ බව එජාප මහ ලේකම් අකිල විරාජ් කාරියවසම් මහතා පැවැසීය.
එජාප නායකත්වය වෙනස් විය යුතු බවට සජිත් පාර්ශ්වයේ මන්ත්‍රිවරුන් පිරිසක් දැක්වූ අදහස්වලට එරෙහිව රනිල් පාර්ශ්වයේ ආශු මාරසිංහ, සන්දීප් සමරසිංහ, රෝහිණී කුමාරි කවිරත්න ඇතුළු මන්ත්‍රිවරු පිරිසක් ප්‍රතිචාර දැක්වීම හේතුවෙන් පාර්ලිමේන්තු කණ්ඩායම් රැස්වීම උණුසුම් තත්ත්වයක් මතවී ඇත.
එජාප නායක රනිල් වික්‍රමසිංහ මහතාගේ ප්‍රධානත්වයෙන් ආරම්භ වූ මෙම රැස්වීමට විපක්‍ෂ නායක සජිත් ප්‍රේමදාස මහතා ඇතුළු මන්ත්‍රිවරුන් රැසක් සහභාගි වී සිටි අතර සජිත් පාර්ශ්වයේ මන්ත්‍රිවරුන් කිහිපදෙනකු එහිදී අවධාරණය කළේ ඉදිරි මැතිවරණයේදී එජාපය ජයග්‍රහණය කිරීමට නම් එජාප නායකත්වයේ වෙනසක් අනිවාර්යයෙන්ම ඇතිවිය යුතු බවයි.
මෙහිදී පැහැදිලිවම දක්නට ලැබුණු සුවිශේෂී කාරණයක් වූයේ සජිත් පාර්ශ්වයේ මන්ත්‍රිවරුන් එජාප නායක රනිල් වික්‍රමසිංහ මහතාට එරෙහිව නායකත්වය අනිවාර්යයෙන්ම වෙනස් විය යුතු බවට කරුණු දක්වන අතරතුරේදී විපක්‍ෂ නායක සජිත් ප්‍රේමදාස මහතා සිය අනුගාමිකයන්ට කරුණු දැක්වීමට ඉඩදී ඔහු නිහඬව සිටීමයි.
හිටපු අමාත්‍ය නවීන් දිසානායක මහතා එහිදී සඳහන් කර ඇත්තේ පක්ෂ නායකත්වය පිළිබඳ ප්‍රශ්නයක් නොතිබියදී එවැනි ප්‍රශ්නයක් ඉස්මතු කිරීම පක්‍ෂයේ ඉදිරි ගමනට දැඩි බාධාවක් බවයි.
දහසක් පොරොන්දු දී බලයට පැමිණි වත්මන් රජය එම පොරොන්දු කඩ කිරීම පිළිබඳව ඉදිරි මැතිවරණයේදී ජනතාව පෙළ ගැස්සවීමේ අවශ්‍යතාව එළැඹී ඇති මොහොතක පෞද්ගලික න්‍යාය පත්‍රයන්ට අනුව කටයුතු කිරීම පක්‍ෂයටත්, පාක්‍ෂිකයන්ටත් කරන බරපතළ අසාධාරණයක් බවද හෙතෙම පෙන්වා දුනි.
මේ අවස්ථාව වන විට ඇතිවූ උණුසුම්කාරී තත්ත්වය මධ්‍යයේ හිටපු අමාත්‍ය හරීන් ප්‍රනාන්දු මහතා තමන් පක්‍ෂයෙන් ඉවත්ව යන බව සඳහන් කරමින් රැස්වීමෙන් ඉවත්ව යෑමට සූදානම් වූ අවස්ථාවේ සජිත් පිලේ මන්ත්‍රිවරුන් පිරිසක් ඉදිරිපත්වී ඔහු වළක්වා තිබේ.
තවදුරටත් නායකත්වයේ රැඳී සිටීමට තමන් බලාපොරොත්තු නොවන බව එහිදී සඳහන් කළ එජාප නායක රනිල් වික්‍රමසිංහ මහතා ශක්තිමත් පක්‍ෂයක් වශයෙන් පක්‍ෂය ඉදිරියට ගෙන යෑමට හැකිවන ආකාරයෙන් නව නායකත්වයට පක්‍ෂය භාරදීම තම අරමුණ බව සඳහන් කර තිබේ.
එහිදී සජිත් පාර්ශ්වයේ මන්ත්‍රිවරුන් ඊට එරෙහිව අදහස් දැක්වීම වළක්වා ඇති අතර එජාප නායකයා ඉදිරි මැතිවරණයෙන් එජාපය ජයග්‍රහණය කරවීමට දැනට ඇති එකම මඟ නායකත්ව මණ්ඩලයකට පක්‍ෂය භාරදීම බවත්, තමන් ඊට කිසිදු ආකාරයකින් බලපෑම් නොකරන බවත් සඳහන් කර තිබේ.
මව්බිම
ඊයේ (16) පස්වරුවේ සිරිකොත මන්දිරයේදී පවත්වන ලද එජාප මන්ත්‍රී කණ්ඩායම් රැස්වීමේදී එජාප නායකයා තෝරා ගැනීම සඳහා ඡන්දයක් පැවැත්විය යුතු බවට සජිත් පාර්ශවය කළ යෝජනාවට රනිල් වික්‍රමසිංහ මහතා ඇතුළු එම පාර්ශවය අකමැත්ත ප්‍රකාශ කර ඇත.
එසේ නම් ඡන්දයක් පැවැත්විය යුතුදැයි නැද්දැයි යන්න පිළිබඳව තීරණය කිරීමට ඡන්දයක් පැවැත්විය යුතු බවට හර්ෂණ රාජකරුණා මන්ත්‍රීවරයා කළ යෝජනාවට අනුව මෙම ඡන්ද විමසීම පැවැත්වී ඇත.
එහිදී රනිල් වික්‍රමසිංහ, වජිර අබේවර්ධන, ආශු මාරසිංහ ඇතුළු මන්ත්‍රීවරුන් 13 දෙනෙකු ශාලාවෙන් ඉවත්ව යද්දී මන්ත්‍රීවරුන් 52ක් අතරේ පවත්වන ලද ඡන්ද විමසීමේදී ඔවුන් සියලු දෙනාම ඡන්දයක් පැවැත්විය යුතු බවට එකඟතාව පලකර ඇත.
මන්ත්‍රිවරුන් 65 දෙනෙකු සහභාගී වූ මෙම රැස්වීමේදී මන්ත්‍රීන් 52ගේ එකඟතාව පළවීම නිසා එජාප නායකත්වයට සජිත් ප්‍රේමදාස මහතා තෝරා ගතයුතු බවට රංජිත් මද්දුමබණ්ඩාර මහතා කළ යෝජනාව හරීන් ප්‍රනාන්දු මන්ත්‍රීවරයා විසින් ස්ථීර කළ බව එජාප ඡේ‍යෂ්ඨ ප්‍රකාශකයකු සදහන් කළේය.
එමෙන්ම එජාප නායකත්වය පිළිබඳව අවසන් තීරණයක් ගැනීම සඳහා පැවැති එජාප මන්ත්‍රි කණ්ඩායම් රැස්වීම දැඩි කලබලකාරී තත්ත්වයන් මැද විසඳුමකින් තොරව අවසන් වූ බවද ආරංචිමාර්ග පවසයි.
පක්ෂ නායකත්වය පිළිබඳව අවසන් තීරණයක් ගැනීම සඳහා රනිල් වික්‍රමසිහ, සජිත් ප්‍රේමදාස හා කරු ජයසූරිය මහත්වරුන් ලබන සිකුරාදා රැස්වීමට තීරණය වූ බව එජාප මහ ලේකම් අකිල විරාජ් කාරියවසම් මහතා පැවැසීය.
එජාප නායකත්වය වෙනස් විය යුතු බවට සජිත් පාර්ශ්වයේ මන්ත්‍රිවරුන් පිරිසක් දැක්වූ අදහස්වලට එරෙහිව රනිල් පාර්ශ්වයේ ආශු මාරසිංහ, සන්දීප් සමරසිංහ, රෝහිණී කුමාරි කවිරත්න ඇතුළු මන්ත්‍රිවරු පිරිසක් ප්‍රතිචාර දැක්වීම හේතුවෙන් පාර්ලිමේන්තු කණ්ඩායම් රැස්වීම උණුසුම් තත්ත්වයක් මතවී ඇත.
එජාප නායක රනිල් වික්‍රමසිංහ මහතාගේ ප්‍රධානත්වයෙන් ආරම්භ වූ මෙම රැස්වීමට විපක්‍ෂ නායක සජිත් ප්‍රේමදාස මහතා ඇතුළු මන්ත්‍රිවරුන් රැසක් සහභාගි වී සිටි අතර සජිත් පාර්ශ්වයේ මන්ත්‍රිවරුන් කිහිපදෙනකු එහිදී අවධාරණය කළේ ඉදිරි මැතිවරණයේදී එජාපය ජයග්‍රහණය කිරීමට නම් එජාප නායකත්වයේ වෙනසක් අනිවාර්යයෙන්ම ඇතිවිය යුතු බවයි.
මෙහිදී පැහැදිලිවම දක්නට ලැබුණු සුවිශේෂී කාරණයක් වූයේ සජිත් පාර්ශ්වයේ මන්ත්‍රිවරුන් එජාප නායක රනිල් වික්‍රමසිංහ මහතාට එරෙහිව නායකත්වය අනිවාර්යයෙන්ම වෙනස් විය යුතු බවට කරුණු දක්වන අතරතුරේදී විපක්‍ෂ නායක සජිත් ප්‍රේමදාස මහතා සිය අනුගාමිකයන්ට කරුණු දැක්වීමට ඉඩදී ඔහු නිහඬව සිටීමයි.
හිටපු අමාත්‍ය නවීන් දිසානායක මහතා එහිදී සඳහන් කර ඇත්තේ පක්ෂ නායකත්වය පිළිබඳ ප්‍රශ්නයක් නොතිබියදී එවැනි ප්‍රශ්නයක් ඉස්මතු කිරීම පක්‍ෂයේ ඉදිරි ගමනට දැඩි බාධාවක් බවයි.
දහසක් පොරොන්දු දී බලයට පැමිණි වත්මන් රජය එම පොරොන්දු කඩ කිරීම පිළිබඳව ඉදිරි මැතිවරණයේදී ජනතාව පෙළ ගැස්සවීමේ අවශ්‍යතාව එළැඹී ඇති මොහොතක පෞද්ගලික න්‍යාය පත්‍රයන්ට අනුව කටයුතු කිරීම පක්‍ෂයටත්, පාක්‍ෂිකයන්ටත් කරන බරපතළ අසාධාරණයක් බවද හෙතෙම පෙන්වා දුනි.
මේ අවස්ථාව වන විට ඇතිවූ උණුසුම්කාරී තත්ත්වය මධ්‍යයේ හිටපු අමාත්‍ය හරීන් ප්‍රනාන්දු මහතා තමන් පක්‍ෂයෙන් ඉවත්ව යන බව සඳහන් කරමින් රැස්වීමෙන් ඉවත්ව යෑමට සූදානම් වූ අවස්ථාවේ සජිත් පිලේ මන්ත්‍රිවරුන් පිරිසක් ඉදිරිපත්වී ඔහු වළක්වා තිබේ.
තවදුරටත් නායකත්වයේ රැඳී සිටීමට තමන් බලාපොරොත්තු නොවන බව එහිදී සඳහන් කළ එජාප නායක රනිල් වික්‍රමසිංහ මහතා ශක්තිමත් පක්‍ෂයක් වශයෙන් පක්‍ෂය ඉදිරියට ගෙන යෑමට හැකිවන ආකාරයෙන් නව නායකත්වයට පක්‍ෂය භාරදීම තම අරමුණ බව සඳහන් කර තිබේ.
එහිදී සජිත් පාර්ශ්වයේ මන්ත්‍රිවරුන් ඊට එරෙහිව අදහස් දැක්වීම වළක්වා ඇති අතර එජාප නායකයා ඉදිරි මැතිවරණයෙන් එජාපය ජයග්‍රහණය කරවීමට දැනට ඇති එකම මඟ නායකත්ව මණ්ඩලයකට පක්‍ෂය භාරදීම බවත්, තමන් ඊට කිසිදු ආකාරයකින් බලපෑම් නොකරන බවත් සඳහන් කර තිබේ.
මව්බිම
COMMENTS