සම්පත් බැංකු වංචාව යලිත් කරළියට, සැඟවුණු සැකකරුවෝ අත්අඩංගුවට

ස ම්පත් බැංකුවේ තැන්පත් කරුවන්ගේ මහා පරිමාණ මුදල් වංචාව සම්බන්ධයෙන් අධිකරණ නියෝග මත පවත්වන වෝහාරික විගණනය අඛණ්ඩව සිදුකරන බව රහස් පොලිසිය කඩ...

ජපානය පෙන්වා මුදල් වංචාකරමින් නීති විරෝධීව රට තුළ රැදී සිටි ජපන් ජාතිකයෙකු ඇතුළු තිදෙනෙක් අත්අඩංගුවට

ව්‍යාජ ලේඛන ඉදිරිපත් කර ළමයි පාසල්වලට දාන අයට වැඩ වරදින ලකුණු

මන්නාරම සමූහ මිණිවල පිළිබඳ මාධ්‍ය වාර්තාකරණයට අධිකරණයෙන් නැවතත් නියෝගයක්

සම්පත් බැංකුවේ තැන්පත් කරුවන්ගේ මහා පරිමාණ මුදල් වංචාව සම්බන්ධයෙන් අධිකරණ නියෝග මත පවත්වන වෝහාරික විගණනය අඛණ්ඩව සිදුකරන බව රහස් පොලිසිය කඩුවෙල මහේස්ත්‍රාත් ප්‍රසන්න අල්විස් මහතා වෙත ඊයේ (22) දැනුම් දුන්නේය. සම්පත් බැංකුවේ සිදුව ඇතැයි කියන මහා පරිමාණ මූල්‍ය වංචාව සම්බන්ධව මෙතෙක් සැඟව සිටි සැකකරුවන් කිහිප දෙනෙකු අත්අඩංගුවට ගැනීමට පරීක්ෂණ පවත්වන බවද රහස් පොලිසිය දන්වා සිටියේය.
ලෝක ප්‍රසිද්ධ රන් සම්මාන ලාභී හෙළ වෛද්‍යවරයකු වන කැළුම් වීරසිංහ මහතා කරන ලද පැමිණිල්ලක් අධිකරණය වෙත වාර්තා කරමින් රහස් පොලිසිය කරන ලද විමර්ශනයේදී සම්පත් බැංකුවේ තැන්පත්කරුවන්ගේ මහා පරිමාණ මුදල් වංචාව සම්බන්ධයෙන් වැදගත් තොරතුරු රැසක් අනාවරණය වී තිබේ.

සම්පත් බැංකුවේ ඉහළ පෙළේ තනතුරු දරන පිරිසක් තැන්පත්කරුවන්ගේ රුපියල් කෝටි ගණනක මුදල් වංචා කර ඇත්තේ ඉතා සැලසුම් සහගතව බව රහස් පොලිසිය මෙතෙක් කරන ලද පරීක්ෂණවලදී අනාවරණය වී තිබේ.

මෙම නඩුව ලබන සැප්තැම්බර් මස 26 වැනිදා කැඳවන ලෙසත් එදිනට වෝහාරික විගණනයට අදාළ වාර්තාව ඉදිරිපත් කරන ලෙස මහේස්ත්‍රාත්වරයා නියෝග කළේය.

අගතියට පත් පාර්ශ්වය වෙනුවෙන් ජනාධිපති නීතිඥ උපුල් ජයසූරිය, නීතිඥ නලින් දිසානායක හා නීතිඥ කපිල වලිසුන්ද යන මහත්වරුන්ගෙන් සමන්විත නීතිඥ මණ්ඩලයක් පෙනී සිටියහ.සම්පත් බැංකුව වෙනුවෙන් නීතිඥ නලින්ද ඉන්ද්‍රතිස්ස මහතා පෙනී සිටියේය.