නීතිවිරෝධී ක්‍රියාවලට සම්බන්ධ හමුදා සාමාජිකයින් සම්බන්ධයෙන් නිසි පරීක්ෂණ පවත්වා මෙරට නීතියට අනුව මෙරට අධිකරණවලින් දඬුවම් පැමිණවිය යුතු බව ...
නීතිවිරෝධී ක්‍රියාවලට සම්බන්ධ හමුදා සාමාජිකයින් සම්බන්ධයෙන් නිසි පරීක්ෂණ පවත්වා මෙරට නීතියට අනුව මෙරට අධිකරණවලින් දඬුවම් පැමිණවිය යුතු බව ෆීල්ඩ් මාර්ෂල් සරත් ෆොන්සේකා මහතා පවසයි.
එහෙත් රටේ දේශපාලන නායක්ත්වයේ පවතින දුර්වලතා නිසා ඔවුන්ට එරෙහිව නීතිය ක්රියාත්මක නොකෙරෙන බවත් ඒ මහතා ප්‍රකාශ කළේය.
එහෙයින් විදෙස් බලපෑම් එල්ල වෙන්නේ ඔවුන්ට එරෙහිව මෙරට නීතිය නිසි ලෙස ක්රියාත්මක නොවීම නිසා බවයි ඒ මහතා අවධාරණය කළේය.
එවැනි හමුදා සාමාජිකයින් සිටින්නේ සුළුතරයක් පමණක් බවත් ඔවුන්ට එරෙහිව ක්‍රියාමාර්ග නොගැනීම නිසා සමස්ත හමුදාවම අපකීර්තියට පත්වන බවත් ඒ මහතා පෙන්වා දුන්නේය.
හිටපු නාවික හමුදාපති වසන්ත කරනාගොඩ මහතා කප්පම් ගැනීම සඳහා පුද්ගලයින් 11 දෙනෙකු පැහැරගෙන ගොස් අතුරුදන් කරවීමට සම්බන්ධ බවට සාක්ෂි ලැබී ඇති හෙයින් ඔහුට එරෙහිව නඩු පවරන බව අපරාධ පරීක්ෂණ දෙපාර්තමේන්තුව අධිකරණයට දන්වා තිබියදීත් විවිධ දේශපාලනඥයින් ඊට එරෙහිව බලපෑම් කරන්නේ නම් සාධාරණයක් අපේක්ෂා කරන්නේ කෙසේදැයි ෆොන්සේකා මහතා ප්‍රශ්න කළේය.
එසේම තම දරුවන් අහිමි වූ මව්වරුන්ට සාධාරණයක් ඉෂ්ට කළ යුතු බව අවධාරණය කළ ඒ මහතා සාධාරණය කරන්නට උත්සාහ දරන්නේ කරන්නාගොඩ වෙනුවෙන් පමණක්දැයි විමසීය.
එක්සත් ජාතින්ගේ සංවිධානය යනු ලෝකය හොල්ලන සංවිධානයක් බවත් එයත් සමඟ බැලූවිට අප හාල්මැස්සන් වැනි බවත් සරත් ෆොන්සේකා මහතා ප්‍රකාශ කළේය.
COMMENTS