වී මිලට සාපේක්ෂව සහල් මිල තීරණය කිරීම සඳහා ක්‍රමවේදයක් රජය සකස් කර ඇති බවත් එළඹෙන අප්‍රේල් 01 වනදා එය ගැසට් නිවේදනයක් මඟින් ප්‍රකාශයට පත් ...
වී මිලට සාපේක්ෂව සහල් මිල තීරණය කිරීම සඳහා ක්‍රමවේදයක් රජය සකස් කර ඇති බවත් එළඹෙන අප්‍රේල් 01 වනදා එය ගැසට් නිවේදනයක් මඟින් ප්‍රකාශයට පත් කරන බවත් කෘෂිකර්ම අමාත්‍ය පී. හැරිසන් මහතා පවසයි.
ඒ අනුව වී කිලෝ ග්‍රෑම් එකක් සඳහා වන සම්මත මිල මෙන් 2.1ක ගුණාකාරයකින් සහල් මිල තීරණය කෙරෙන බවයි අමාත්‍යවරයා ප්‍රකාශ කළේ.
සහල් මිල අඩු කිරීමට නොහැකි බවටත් එය රුපියල් 100 සීමාවේ තබාගත යුතු බවටත් සහල් ව්‍යාපාරිකයින් ප්‍රකාශ කිරීම හේතුවෙන් මෙම ක්‍රමවේදය සකස් කළ බව කී අමාත්‍යවරයා සම්බා වී කිලෝවක් සඳහා දැනට රජය විසින් නියම කර ඇති මිල රුපියල් 41ක් වන හෙයින් මෙම ක්‍රමවේදයට අනුව අප්‍රේල් 01 වනදායින් පසු සම්බා සහල් රුපියල් 85කට සිල්ලර අලෙවිසල්වල අලෙවි කළ යුතු බවත් සඳහන් කළේය.
එසේම අප්‍රේල් 01 වනදා සිට නාඩු සහල් කිලෝවක් සඳහා උපරිම සිල්ලර මිල රුපියල් 80ක් ලෙසත් සම්බා සහල් කිලෝවක් සඳහා උපරිම සිල්ලර මිල රුපියල් 85ක් ලෙසත් ප්‍රකාශයට පත් කරන බව ද අමාත්‍යවරයා එහිදී දැනුම් දුන්නේය.
COMMENTS