මහින්ද රාජපක්ෂ මහතාගේ සහය සමඟ නැවත වරක් ජනපති වීමේ අපේක්ෂාවෙන් පසුවූ ජනාධිපති මෛත්‍රීපාල සිරිසේන මහතා සිය සිහිනය තාවකාලිකව අතහැර දමා ඇත....
මහින්ද රාජපක්ෂ මහතාගේ සහය සමඟ නැවත වරක් ජනපති වීමේ අපේක්ෂාවෙන් පසුවූ ජනාධිපති මෛත්‍රීපාල සිරිසේන මහතා සිය සිහිනය තාවකාලිකව අතහැර දමා ඇත.
ඒ, මේ වසර අවසානයට පෙර පොහොට්ටුවෙන් නව ජනාධිපතිවරයෙක් බිහි කිරීමට තමා කටයුතු කරන බවට ශ්‍රී ලංකා පොදුජන පෙරමුණේ ජාතික සංවිධායක බැසිල් රාජපක්ෂ මහතා කල ප්‍රකාශයත් සමගින්ය.
ජනාධිපතිවරණයක් නොව පළාත් සභා මැතිවරණයක්
ශ්‍රී ලංකා පොදුජන පෙරමුණේ ස්ථාවරය බැසිල් රාජපක්ෂ මහතා ඊයේ (13) පෙරවරුවේ නිලවශයෙන් ප්‍රකාශ කිරීමත් සමග පස්වරුවේ ජනාධිපති මාධ්‍ය අංශයෙන් නිවේදනයක් නිකුත් විය.
එහි දැක්වුණේ ජනාධිපතිවරණයක් නොව පළාත් සභා මැතිවරණයක් සඳහා සූදානම් වන ලෙසට ජනාධිපතිවරයා ශ්‍රී ලංකා නිදහස් පක්ෂ ආසන සංවිධායකවරුන්ට දැනුම් දුන් බවය.
මේ අතර ඊයේ පැවති වියත් මග වැඩසටහනට එක්වෙමින් ගෝඨාභය රාජපක්ෂ මහතාද ඉඟි පළ කර තිබුණේ තමන් ද ජනාධිපතිවරණ සටනට සූදානම් බවයි.
පොහොට්ටුවේ සහය මෛත්‍රී නැහැ
ඉදිරි ජනාධිපතිවරණයකදී මෛත්‍රිපාල සිරිසේන මහතාට සිය සහය හිමි නොවන බවට ශ්‍රී ලංකා පොදුජන පෙරමුණේ පළාත් සභා මන්ත්‍රී සංසදය ද ප්‍රකාශ කර තිබිණ
වැඩිදුර කියවන්න - ඉදිරි ජනාධිපතිවරණයේදී මෛත්‍රීට සහය දෙන්නේ නෑ
පවතින තත්වය හමුවේ ශ්‍රී ලංකා පොදුජන ශ්‍රී ලංකා පොදුජන පෙරමුණේ සහාය ජනාධිපති මෛත්‍රීපාල සිරිසේන මහතාට හිමි නොවන පසුබිමක් නිර්මාණය වී ඇත
එමනිසා ජනාධිපති මෛත්‍රීපාල සිරිසේන මහතා මේ වන විට පළාත් සභා මැතිවරණයක් කැඳවා තමන්ට අහිමි වෙමින් පවතින දේශපාලන බලය යළිත් තමා වටා කේන්ද්‍ර කර ගැනීමට කටයුතු කරමින් සිටී.
COMMENTS