වවුනියාවෙන් යළි හිස එසවීමට සූදානම් වන කොටි රැළ මෙහෙයවනු ලබන්නේ ස්විස්ටර්ලන්තයේ සිටින ''බානු'' නැමති ප්‍රබල කොටි සාමාජිකයා...
වවුනියාවෙන් යළි හිස එසවීමට සූදානම් වන කොටි රැළ මෙහෙයවනු ලබන්නේ ස්විස්ටර්ලන්තයේ සිටින ''බානු'' නැමති ප්‍රබල කොටි සාමාජිකයා බවට ආරක්ෂක අංශ වලට තොරතුරු ලැබී තිබේ.
එම කොටි සාමාජිකයා ඉන්දියාවේ පුහුණුව ලැබ කාලයක් කොටි සංවිධානයට සේවය කොට කොටි හා රජය අතර ස්විස්ටර්ලන්තයේදී සාම සාකච්ඡා පැවැත්වූ කාල වකවානුවේදී ඔහු ස්විස්ටර්ලන්තයට පැන එහි සිට කොටි සංවිධානයට සහය දැක්වූ අයෙකු බවද අනාවරණය වී තිබේ.
යුරෝපා රටවල සිටින දෙමළ ඩයස්පෝරාවේ පිරිසට එහි රැදී සිටීමට්ටහ් කොටි වෙණුවෙන් යැයි කියමින් ආධාර රැස් කිරීමටත් පරිසරය සකසා ගත හැකි වන්නේ උතුරු පළාත තුළ කොටි ක්‍රියාකාරකම් පැවතියහොත් පමනක් බව ආරක්ෂක අංශ කියා සිටියි.
මේ නිසා කෙසේ හෝ කොටි යළි හිස එසවීමට සූදානම් වන බවත් උතුරු ප්‍රදේශය තුළින් මේ වන විට අවස්ථා හයකදී ඔවුන් නැගී සිටීමට උත්සහ කළත් ඒ සෑම අවස්ථාවකදීම ඔවුන් පිළිබදව තොරතුරු ආරක්ෂක අංශ අතට පත් වීම නිසා ඔවුන්ට එසේ කිරීමට නොහැකි වූ බවද යළි නැගිටීමට උත්සහ දරණ කොටි රැල පිළිබදව පරීක්ෂණ පවත්වන ආරක්ෂක අංශ කියා සිටියි.
ඔවුන්ට යළි නැගිටීම සදහා කාලයක් කොටි සංවිධානයේ සේවය කොට විවිධ රටවලට පළාගොස් සිටින ප්‍රබල සාමාජිකයින් උදව් කරණ බවත් ඔවුන් ඉන්දියාවට පැමිණ එහි සිට වරින් වර බෝට්ටු ඔස්සේ උතුරට ළගා වන බවටත් ආරක්ෂක අංශ තොරතුරු සොයා ගෙන තිබේ.
මුලතිව් ඔඩ්ඩිසුඩාන් පළාතේදී විශාල ආයුධ හා පුපුරණ ද්‍රව්‍ය තොගයක් සමග හමුවූ කොටි නායකයා පැමිණ ඇත්තේද ඒ ආකාරයට බවට ආරක්ෂක අංශ වලට තොරතුරු ලැබී ඇත.
වවුනියාවේදී තැනින් තැන විවිධ දේ සිදු කරමින් යළි නැගී සිටීමට උත්සහ දරණ කොටි රැල ස්ථාන කීපයක සිට කටයුතු කරණු ලැබුවත් ඔවුන් අතර ජාලාත්මක සංවිධාන ව්‍යුහයක් හා සැලැස්මක් ඇති බව ආරක්ෂක අංශ විසින් අනාවරණය කරගෙන තිබේ.
වවුනියාවේ පුලියන්කුලම පුතූර් ප්‍රදේශයේදී බෝම්බ මල්ලක් දමා පළාගිය කොටි ප්‍රබලයා හා ඔහුගේ සගයා අත් අඩංගුවට ගැනීමට හැකිවුවහොත් මේ සම්බන්ධයෙන් තවත් වැදගත් තොරතුරු රාශියක්ම අනාවරණය කරගැනීමට හැකි වන බවද පරීක්ෂණ මෙහෙයවන ආරක්ෂක අංශ නිලධාරීහු කියා සිටිති.
(දිනසේන රතුගමගේ)
COMMENTS