රාජ්‍ය ආයතන දෙකකින් මුදල් සහ වෙනත් අනුග්‍රහ ලබා ඇති බවට පාර්ලිමේන්තු මන්ත්‍රී කාංචන විජේසේකර සහ පූජ්‍ය ඉත්තෑකන්දේ සද්ධාතිස්ස සහ පූජ්‍ය මා...
රාජ්‍ය ආයතන දෙකකින් මුදල් සහ වෙනත් අනුග්‍රහ ලබා ඇති බවට පාර්ලිමේන්තු මන්ත්‍රී කාංචන විජේසේකර සහ පූජ්‍ය ඉත්තෑකන්දේ සද්ධාතිස්ස සහ පූජ්‍ය මාගල්කන්දේ සුදත්ත යන හිමිවරුන් කරන ලද ප්‍රකාශවලින් තමාට සිදු කරන ලද අපහාසයට වන්දි ඉල්ලා ගාමිණී වියන්ගොඩ සිය නීතිඥවරයා මාර්ගයෙන් එන්තරවාසි යවා තිබේ.
ඒ, එක් අයෙකුගෙන් රුපියල් මිලියන 500 බැගින් වන වන්දි මුදලක් ඉල්ලා සිටිමින්.
එසේම, ‘සති අග අරුණ’ නැමැති පුවත්පතේ පළ කරන ලද විශේෂාංග ලිපියක් තුළින් ද මෙකී අපහාසය සිදුකොට ඇති බැවින් එම පුවත්පතටත්, ඒ ලිපිය ලියූ ලේඛිකාවටත් තවත් එන්තරවාසියක් යවා තිබේ.
යහපාලන ආණ්ඩුව යටතේ විවිධ ව්‍යාපෘති හරහා ද, වෙනත් රහස්‍ය ගිණුම් හරහා ද ගාමිණි වියන්ගොඩ මුදල් සහ වෙනත් ආධාර ලබා ඇති බවට ඉහත කී අයවළුන් විසින් විවිධ අවස්ථාවලදී කරන ලද ප්‍රකාශයන් සම්පූර්ණයෙන් අසත්‍ය සහ පදනම් විරහිත වන බවත්, ද්වේෂ සහගත වන බවත්, යහපාලන ආණ්ඩුව යටතේ කිසිම ආයතනයකින් මොනම ආකාරයක හෝ මූල්‍යමය හෝ මූල්‍යමය නොවන කිසි ගෙවීමක් හෝ අනුග්‍රහයක්, සෘජුව හෝ වක්‍රාකාරයෙන් තමා කිසි විටෙකත් ලබාගෙන නැති බව ගාමිණී වියන්ගොඩ යැවූ එන්තරවාසියේ සදහන්.
COMMENTS