ඉදිරියේදි ජනතා අරගල සඳහා කැබිනට් මණ්ඩලය සමග වුවද හැප්පිමට පසුබට වන්නේ නැති බැව් ගාල්ල දිස්ත්‍රික් එජාප මන්ත්‍රි විජේපාල හෙට්ටිආරච්චි මහතා ...
ඉදිරියේදි ජනතා අරගල සඳහා කැබිනට් මණ්ඩලය සමග වුවද හැප්පිමට පසුබට වන්නේ නැති බැව් ගාල්ල දිස්ත්‍රික් එජාප මන්ත්‍රි විජේපාල හෙට්ටිආරච්චි මහතා පවසයි.
ඊයේ (23) ගාල්ලේ දි පැවති මාධ්‍ය හමුවකදි මන්ත්‍රිවරයා මේ බව සදහන් කළේය.
එහිදී ඒ මහතා මෙසේ අදහස් දැක්විය.
"එජාප පසුපෙළ මන්ත්‍රිවරු මෛත්‍රි එක්ක හැප්පුනා. මහින්ද එක්ක හැප්පුනා. මේ දෙන්නාගේ කුමන්ත්‍රණ වලට හැප්පිලා අපි ඒවා ජයග්‍රහණය කරවන්න උදවු කලා. ඉදිරියේදි අපි ජනතා අරගල සඳහා කැබිනට් එකත් එක්ක උනත් හැප්පෙන්න කිසිම මැලි කමක් දක්වන්නේ නැහැ. පසුගිය කාලයේ රට අස්ථාවර තත්වයට ගිහිල්ලා අපේ අගමැති කමත් කැබිනට් එකත් ඔක්කොම අහිමි වෙලා අපි හිටියා. ඉතින් ඔබ හිතනවද තවදුරටත් ගිය වර ගිය විදියටම යන්න ඇරියොත් ඒ සේරම පරිප්පු කන්න වෙන්නේ එකට.ඇමති වරුන්ටත් එකයි. රාජ්‍ය ඇමති වරුන්ටත් එකයි නියෝජ්‍ය ඇමති වරුන්ටත් එකයි. අපේ මේ පසුපෙල මන්ත්‍රී වරුන්ටත් ඔක්කොටම පරිප්පු කන්න වෙන්නේ එකට. ඒ නිසා එහෙම පරිප්පු කන්න අපි ලෑස්ති නෑහැ. ජනතාවට සාධාරන හා යුක්ති සහගත ලෙස කටයුතු නොකරන අයට ජනතාව පරිප්පු කවයි. අපි ජනතා වාදී වැඩපිළිවෙලක ඉදිරි පසින්ම ඉන්නවා. ඒකට එකාබද්ධ විපක්ෂය අවශ්‍ය නෑහැ. අපි බලාන ඉන්නවා මේ අය යන විදිය ගැන. ඉස්සර ගියපු විදියට ඇමති මණ්ඩලයට ඕන තීන්දුවක් අරගෙන ඒ අයට කැබිනට් එකේ ඕන තීන්දුවක් අරගෙන වැඩ කටයුතු කරන්න නම් ටිකක් මේදා පාර අමාරු වෙයි.කැබිනට් මණ්ඩලය තීන්දු ගැනීමේදී ආන්ඩු පක්ෂයේ බහුතර මන්ත්‍රී වරුන් සමග ආන්ඩු පක්ෂ රැස්වීමේ සාකච්ඡා කර බහුතර මතයට අනුව තීන්දු ගත යුතුයි."
"මෙවර ලබාගත් ප්‍රජාත්‍රන්ත්‍රවාදී ජයග්‍රහණයත් එක්ක යුක්තියේ හඬ මුළු රටේම ප්‍රචලිත කරන්න විශාල කාර්ය භාරයක් ඉෂ්ඨ කලේ පසුපෙල එජාප මන්ත්‍රී වරුන්. ඒ වගේම ඒ මන්ත්‍රී වරුන් බලාගෙන ඉන්නවා දෑස් දල්වාගෙන තමන් මුදලට, වරප්‍රසාද වලට, වරදාන වලට වෙනත් දෙවල් කිසිම දේකට යට නොවී සියලු දෙනා අගමැති වරයාගේ පසුපසින් හිටගෙන මේ කටයුතු සඳහා උදවු උනා. ඒ නිසා එතුමා ඇතුලු අමාත්‍ය මන්ඩලයේ වගකීමක් මේ මන්ත්‍රී වරුන් නියෝජණය කරන ජනතාවගේ අවශ්‍යතාවයන් මේ රටේ දුක් විඳින ජනතාව වෙනුවෙන් සාධාරණය සහ යුක්තිය ඉටු කිරිම. මොකද මේවා නිරන්තරයෙන් ආන්ඩු පක්ෂ රැස්වීමේ සාකච්චා කරලා බහුතර මතය අනුව ඉලක්ක කරගෙන යාමේ වැඩපිළිවෙලකට අපි යා යුතුව ඇත." යිද මන්ත්‍රිවරයා කිවේය.
(ලලිත් චාමින්ද)
COMMENTS