හබරාදුව ප්‍රජා පොලිස් ඒකකය මඟින් ප්‍රදර්ශනය කර ඇති දැන්වීම් පුවරුවක් මේ දිනවල අන්තර්ජාලයේ වැඩිපුර කතා බහට ලක් වී තිබේ. එහි දක්වා ඇත්තේ අප...
හබරාදුව ප්‍රජා පොලිස් ඒකකය මඟින් ප්‍රදර්ශනය කර ඇති දැන්වීම් පුවරුවක් මේ දිනවල අන්තර්ජාලයේ වැඩිපුර කතා බහට ලක් වී තිබේ.
එහි දක්වා ඇත්තේ අපේ සංස්කෘතියට නොගැලපෙන බැවින් මුහුදු වෙරළේදී නාන ඇඳුම් වෙනුවට සම්පුර්ණ ඇඳුමකින් සැරසෙන ලෙසයි.
අන්තර්ජාලය පුරා මෙම පුවරුවට සහ හබරාදුව ප්‍රජා පොලිස් ඒකකයට විරුද්ධව බොහෝදෙනා සිය අදහස් දක්වා තිබේ.
ඒ අතර ශ්‍රී ලංකා සංචාරක සංවර්ධන අධිකාරියත් සිය අදහස් දක්වා තිබේ.
ශ්‍රී ලංකා සංචාරක සංවර්ධන අධිකාරිය පවසන පරිදි සංචාරකයන් සඳහා දිය නෑම හෝ වෙරළ සඳහා එසේ විශේෂිත වූ ඇඳුම් පිලිබඳ ප්‍රතිපත්තියක් අනවශ්‍ය බවයි.
ඒෂියන් මිරර් වෙත අදහස් දක්වමින් අධිකාරියේ ප්‍රකාශකයෙකු සඳහන් කලේ එම අධිකාරිය මෙම ප්‍රශ්නය අදාළ අංශ වෙත යොමු කර කඩිනමින් විසදුම් ලබා ගැනීමට අපේක්ෂා කරන බවයි.
පොලිසියේ වගකීම වන්නේ එම ප්‍රදේශවලට පැමිණෙන සංචාරකයින් සහ අවට ප්‍රදේශවාසීන්ගේ ආරක්ෂාව සහතික කිරීම විනා ඔවුන් අදින පළදින ඇඳුම් වෙනස් කිරීම නොවන බවද එම අධිකාරියේ ප්‍රකාශකයා වැඩිදුරටත් සඳහන් කළේය.
COMMENTS