ඇමති සරත් ෆොන්සේකා සමග සිටින බවට පසුගියදා චෝදනා එල්ල වූ අරුණකාන්ත අත්තනායක හෙවත් “පාතාලයේ පොලිස්“ නමැත්තා පොලිස් විශේෂ කාර්ය බලකාය මගින් අ...
ඇමති සරත් ෆොන්සේකා සමග සිටින බවට පසුගියදා චෝදනා එල්ල වූ අරුණකාන්ත අත්තනායක හෙවත් “පාතාලයේ පොලිස්“ නමැත්තා පොලිස් විශේෂ කාර්ය බලකාය මගින් අත්අඩංගුවට ගෙන තිබේ.
මිනුවන්ගොඩ - දෙවලපොල ප්‍රදේශයේ පිහිටි ඔහුගේ නිවසේදී ඊයේ රාත්‍රියේදී එම සැකකරු අත්අඩංගුවට ගෙන ඇත.
මොහු සතුව තිබූ හෙරොයින් සහ අයිස් මත්ද්‍රව්‍ය ග්‍රෑම් 8යි මිලිග්‍රෑම් 250 ක් ද මෙහිදී අත්අඩංගුවට ගත් බව පොලිස් විශේෂ කාර්ය බලකාය සදහන් කළේය.
මෙම පුද්ගලයා මීට පෙර සිදුවූ වෙඩි තැබීමේ සිද්ධීන් ඇතුළු අපරාධ ක්‍රියා රැසකට සම්බන්ධ බවට අනාවරණ වී තිබේ.
මොහුට එරෙහිව අධිකරණයේ නඩු කිහිපයක් ද විභාග වෙමින් පවතින බව වාර්තා වේ.
පසුගියදා ෆීල්ඞ් මාර්ෂල් අමාත්‍ය සරත් ෆොන්සේකා විල්පත්තුවේ සංචාරය කළ අවස්ථාවේදී ඔහු සමග සිටි බවට චෝදනා එල්ල විය.
කෙසේ වෙතත්, අමාත්‍ය සරත් ෆොන්සේකා තමාට එල්ල වන මෙම චෝදනා අවස්ථා කිහිපයකදීම ප්‍රතික්ෂේප කරනු ලැබීය.
COMMENTS