ඒකාබද්ධ විපක්ෂය නියෝජනය කරන පාර්ලිමේන්තු මන්ත්‍රී ජොන්ස්ටන් ප්‍රනාන්දු මහතා එක්සත් ජාතික පක්ෂයත් සමඟ රහස් ගනුදෙනුවක් පවත්වාගෙන යන බවට මේ ව...
ඒකාබද්ධ විපක්ෂය නියෝජනය කරන පාර්ලිමේන්තු මන්ත්‍රී ජොන්ස්ටන් ප්‍රනාන්දු මහතා එක්සත් ජාතික පක්ෂයත් සමඟ රහස් ගනුදෙනුවක් පවත්වාගෙන යන බවට මේ වන විට ඒකාබද්ධ විපක්ෂයෙන්ම චෝදනා ගලා එමින් පවතී.
ඒකාබද්ධ විපක්ෂයේ ප්‍රධානතම චෝදනාව වන්නේ සිය දේශපාලන කණ්ඩායම ගනු ලබන තීන්දු තීරණ පැය කිහිපයක් තුළ එක්සත් ජාතික පක්ෂයට දැනගන්නට ලැබෙන බවයි.
අගමැති රනිල් වික්‍රමසිංහ මහතා සමීපව ඇසුරු කරන ඉදිරි පෙළ ඇමතිවරයෙකු සමඟ ජොන්ස්ටන් ප්‍රනාන්දු මහතා සිය සමීප සබඳතාවයක් පවත්වාගෙන යන බවත්, දින දෙක තුනකට වරක් එම ප්රබල ඇමතිවරයා හා ජොන්ස්ටන් ප්‍රනාන්දු මන්ත්‍රීවරයා මුණගැසෙන බවත් අනාවරණය වී තිබේ.
තවදුරටත් ඔවුන් සමඟ සිටීමෙන් පලක් නොවන බවත් අවස්ථාව පැමිණි විගස තමන්ව යළි එක්සත් ජාතික පක්ෂයට එක්කර ගන්නා ලෙසත්, එකී ප්රබල අමාත්‍යවරයා සමඟ ජොන්ස්ටන් ප්‍රනාන්දු මන්ත්‍රීවරයා ප්‍රකාශ කර ඇත.
ඒ අනුව ඒකාබද්ධ විපක්ෂයට සෑම දේශපාලන වේදිකාවකම පාහේ එජාප ඩීල් ගැන චෝදනා නැගෙන්නේ සිය මන්ත්‍රීවරයාගේ ක්‍රියා කළාපය නිසා බවත් ඉදිරියේදී ජොන්ස්ටන් ප්‍රනාන්දු මන්ත්‍රීවරයාව ප්‍රසිද්ධියේ විවේචනය කිරීමට නියමිත බවත් ආරංචි මාර්ග පැවසී ය.
කෙසේ වෙතත් අප ජොන්ස්ටන් ප්‍රනාන්දු මන්ත්‍රීවරයාව අවස්ථා කිහිපයකදී දුරකතනයෙන් සම්බන්ධ කර ගැනීමට උත්සාහ කළද එහෙත් එම උත්සහයන් සාර්ථක වූයේ නැත.
COMMENTS